ಪ್ಯಾರಾಲಿಂಪಿಕ್ ಉದ್ಘಾಟಣೆಯಲ್ಲಿ ಭಾರತಕ್ಕೆ ಮುಜುಗರ

ನವದೆಹಲಿ: ಪ್ಯಾರಾಲಿಂಪಿಕ್ಸ್ ಕೂಟದ ಉದ್ಘಾಟನಾ ಸಮಾರಂಭಕ್ಕೂ ಮುನ್ನ ಭಾರತೀಯ ಪ್ಯಾರಾಲಿಂಪಿಕ್ಸ್ ತಂಡ ಮುಜುಗರಕ್ಕೆ ಒಳಗಾಗಿತ್ತು. 

ಉದ್ಘಾಟನಾ ಸಮಾರಂಭಕ್ಕೆ ನೀಡಿದ್ದ ಭಾರತೀಯ ಅಧಿಕೃತ ಜೆರ್ಸಿಯಲ್ಲಿ ಭಾರತದ ತ್ರಿವರ್ಣ ಧ್ವಜದ ಬಿಳಿ ಬಣ್ಣ ಇರಲಿಲ್ಲ. ಅಲ್ಲದೆ ಟ್ರ್ಯಾಕ್ ಸೂಟ್ ನಲ್ಲಿ ರಾಷ್ಟ್ರ ಧ್ವಜ ಲಾಂಛನ ಸರಿಯಾದ ಜಾಗದಲ್ಲಿ ನಿಗದಿಪಡಿಸಿರಲಿಲ್ಲ. ಜತೆಗೆ ಸಮವಸ್ತ್ರದ ಹಿಂದಿನ ಭಾಗದಲ್ಲಿ ಭಾರತ ಎಂದು ಹೆಸರು ಮುದ್ರಣಗೊಂಡಿರಲಿಲ್ಲ. ಹೀಗಾಗಿ ಭಾರತೀಯ ಅಥ್ಲೀಟ್ ಗಳಿಗೆ ಪಥಸಂಚಲನದಲ್ಲಿ ಭಾಗವಹಿಸಲು ಅಂತರಾಷ್ಟ್ರೀಯ ಪ್ಯಾರಾಲಿಂಪಿಕ್ಸ್ ಸಮಿತಿ ಅವಕಾಶ ನಿರಾಕರಿಸಿತು.

ಭಾರತ ತಂಡದ ಮುಖ್ಯಸ್ಥ ಐಒಸಿ ಸರಿಪಡಿಸಿಕೊಳ್ಳಲು ಕೆಲ ಮಾರ್ಗವನ್ನು ಸೂಚಿಸಿತು. ಈ ಸಲಹೆಯನ್ನು ಪಡೆದುಕೊಂಡು ಭಾರತ ತಂಡ ಕೊನೆ ಕ್ಷಣದಲ್ಲಿ ಜೆರ್ಸಿ, ಸಮವಸ್ತ್ರದಲ್ಲಿ ತಿದ್ದುಪಡಿ ಮಾಡಿಕೊಂಡು ಉದ್ಘಾಟನಾ ಕೂಟದಲ್ಲಿ ಭಾಗವಹಿಸಿತು.