ಪ್ಯಾರಿಸ್: ಸ್ಪೈನ್ ನ ರಾಫೆಲ್ ನಡಾಲ್ ಮತ್ತೆ ಫ್ರೆಂಚ್ ಓಪನ್ ಪ್ರಶಸ್ತಿ ಕಿರೀಟಕ್ಕೆ ಮುತ್ತಿಟ್ಟಿದ್ದು, ಫೈನಲ್ ನಲ್ಲಿ ಬಲಿಷ್ಠ ನುವಾಕ್ ಜೋಕೋವಿಕ್ ವಿರುದ್ಧ ವಿರೋಚಿತ ಗೆಲುವು ಸಾಧಿಸಿದ್ದಾರೆ.
ಭಾನುವಾರ ನಡೆದ ಪುರುಷರ ವಿಭಾಗದ ಫೈನಲ್ ಪಂದ್ಯದಲ್ಲಿ ನಡಾಲ್, ಜಾಕೋವಿಕ್ ವಿರುದ್ಧ 6-0, 6-2, 7-5 ನೇರ ಸೆಟ್ ಗಳ ಅಂತರದ ಗೆಲುವು ಸಾಧಿಸಿದರು. ಆ ಮೂಲಕ ತಮ್ಮ ವೃತ್ತಿ ಜೀವನದ 20 ಗ್ರಾಂಡ್ ಸ್ಲಾಮ್ ಗೆದ್ದರು. ಇದು ನಡಾಲ್ ಗೆ ಟೆನ್ನಿಸ್ ವತ್ತಿ ಜೀವನದ 100ನೇ ಗೆಲುವಾಗಿದೆ.
2005ರಿಂದ ಈ ಟೂರ್ನಿಯಲ್ಲಿ ಆಡುತ್ತಿರುವ ನಡಾಲ್ಗೆ ಇದು 100ನೇ ಗೆಲುವಾಗಿದ್ದು ಆ ಮೂಲಕ 34 ವರ್ಷದ ನಡಾಲ್ ಗೆಲುವಿನ ಶತಕ ಭಾರಿಸಿದ್ದಾರೆ. ಆ ಮೂಲಕ ಅತಿ ಹೆಚ್ಚು ಗ್ರ್ಯಾನ್ಸ್ಲಾಂ ಪ್ರಶಸ್ತಿ ಗೆದ್ದಿರುವ ರೋಜರ್ ಫೆಡರರ್ ಅವರ ದಾಖಲೆಯನ್ನೂ ಸರಿಗಟ್ಟಿದ್ದಾರೆ. ಫೆಡರರ್ ಈ ವರೆಗೆ 20 ಗ್ರ್ಯಾಂಡ್ ಸ್ಲಾಂ ಪ್ರಶಸ್ತಿಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಫ್ರೆಂಚ್ ಓಪನ್ನ ಈ ಆವೃತ್ತಿಯಲ್ಲಿ ಒಂದು ಸೆಟ್ ಕೂಡ ಸೋಲದ ನಡಾಲ್ ಅವರಿಗೆ ಇದು ಪ್ರಮುಖ ಟೂರ್ನಿಯೊಂದರ 28ನೇ ಫೈನಲ್ ಆಗಿತ್ತು.
Advertisement