ಹಂದಿ ಜ್ವರ: ದೆಹಲಿಯಲ್ಲಿ ಇನ್ನೊಂದು ಸಾವು

ನವದೆಹಲಿ: ಶುಕ್ರವಾರ ದೆಹಲಿಯಲ್ಲಿ 38ರ ಹರೆಯದ ಮಹಿಳೆಯೊಬ್ಬರು ಹೆಚ್1 ಎನ್ 1 ವೈರೆಸ್ ಸೋಂಕು ತಗಲಿ ಸಾವನ್ನಪ್ಪಿರುವ ಬಗ್ಗೆ ವರದಿಯಾಗಿದೆ.  

ಉತ್ತಮ್ ನಗರ  ನಿವಾಸಿಯಾದ ಆ ಮಹಿಳೆಯನ್ನು ಕೆಲ ದಿನಗಳ ಹಿಂದೆ ರಾಮ್ ಮನೋಹರ್ ಲೋಹಿಯಾ ಆಸ್ಪತ್ರೆಗೆ ದಾಖಲಾಗಿದ್ದು, ಶುಕ್ರವಾರ ಕೊನೆಯುಸಿರೆಳೆದಿದ್ದಾರೆ ಎಂದು ಆಸ್ಪತ್ರೆಯ ಮೂಲಗಳು ಹೇಳಿವೆ.

ಈ ಮಹಿಳೆಯ ಸಾವಿನೊಂದಿಗೆ ಇದೀಗ ರಾಜಧಾನಿ ದೆಹಲಿಯಲ್ಲಿ ಹಂದಿಜ್ವರಕ್ಕೆ ಬಲಿಯಾದವರ ಸಂಖ್ಯೆ 5 ಆಗಿದೆ.

ಅದೇ ವೇಳೆ ಇನ್ನು 5 ಹೊಸ ಪ್ರಕರಣಗಳು ಕೂಡಾ ಬೆಳಕಿಗೆ ಬಂದಿವೆ. ನಾಲ್ಕು ಜನ ಪುರುಷರು ಹಾಗು ಓರ್ವ ಮಹಿಳೆಗೆ ಹೆಚ್1 ಎನ್ 1 ಸೋಂಕು ತಗಲಿದೆ ಎಂದು ಹೇಳಲಾಗುತ್ತಿದೆ.

ಕಳೆದ ಮೂರು ವಾರಗಳಲ್ಲಿ  ದೆಹಲಿಯಲ್ಲಿ  ಹೆಚ್ 1 ಎನ್1 ವೈರೆಸ್ ತಗಲಿರುವವರ ಸಂಖ್ಯೆ 4ಕ್ಕೇರಿದೆ ಎಂದು ಬಲ್ಲಮೂಲಗಳು ಹೇಳಿವೆ.