ಯುರೋಪ್-ಭಾರತೀಯ ಸಂಸ್ಥೆಗಳ ಪಾಲುದಾರಿಕೆಯಿಂದ ಭಾರತೀಯ ಅಟೋಮೊಬೈಲ್ ಮಾರುಕಟ್ಟೆ ಮತ್ತಷ್ಟು ಅಭಿವೃದ್ಧಿಯಾಗುವ ನಿರೀಕ್ಷೆಗಳಿದ್ದು, 2025 ರ ವೇಳೆಗೆ 8-10 ಮಿಲಿಯನ್ ಕಾರುಗಳ ಗುರಿ ತಲುಪುವ ಸಾಧ್ಯತೆ ಇದೆ. ಯುರೋಪ್ ನ ಪಿಎಸ್ಎ ಸಮೂಹ ಸಂಸ್ಥೆ ಪುಝೋ, ಸಿಟ್ರಾನ್, ಡಿಎಸ್ ಬ್ರಾಂಡ್ ಗಳ ಕಾರುಗಳನ್ನು ಮಾರಾಟ ಮಾಡುತ್ತಿದೆ. ಈ ಹಿಂದೆಯೂ ಪಿಎಸ್ಎ ಹಿಂದೂಸ್ತಾನ್ ಮೋಟಾರ್ಸ್ ನೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದ ಉದಾಹರಣೆಗಳಿವೆ. ಆದರೆ ಈ ಸಂಸ್ಥೆಗಳ ಪಾಲುದಾರಿಕೆ ಒಪ್ಪಂದ 2001 ರಲ್ಲಿ ಅಂತ್ಯಗೊಂಡಿತ್ತು. 2009, 2011 ರಲ್ಲಿ ಪಿಎಸ್ಎ ಸಮೂಹ ಸಂಸ್ಥೆ ಭಾರತ ಮಾರುಕಟ್ಟೆಯನ್ನು ಪ್ರವೇಶಿಸಲು ಸಾಕಷ್ಟು ಯತ್ನಿಸಿತ್ತಾದರೂ ಅದು ಸಾಧ್ಯವಾಗಿರಲಿಲ್ಲ.