ಸೌತ್‍ವೇಲ್ಸ್: ಭಾರತೀಯ ಮೂಲದ ಟ್ಯಾಕ್ಸಿ ಚಾಲಕರೊಬ್ಬರು ತನ್ನ ವಾಹನದಲ್ಲಿ ಪ್ರಯಾಣಿಸಿದ ನಾಲ್ವರು ತನ್ನನ್ನು ಇಸ್ಲಾಮಿಕ್ ಸ್ಟೇಟ್ ಸದಸ್ಯನೆಂದು ಬಯ್ದದ್ದಲ್ಲದೆ ತನ್ನ ವಿರುದ್ಧ ಜನಾಂಗೀಯ ನಿಂದನೆ ನಡೆಸಿದರೆಂದು ಆರೋಪಿಸಿದ್ದಾರೆ.
ಕನಕ್ ಹಿರಾನಿ(37) ಇದೇ ಕಾರಣಕ್ಕೆ ಅವರನ್ನು ಟ್ಯಾಕ್ಸಿಯಿಂದ ಹೊರಹಾಕಿರುವುದಾಗಿಯೂ, ಅವರು ಟ್ಯಾಕ್ಸಿ ಚಾರ್ಜ್ ಕೂಡ ಕೊಡದೇ ಹೋದರೆಂದೂ ದೂರಿನಲ್ಲಿ ತಿಳಿಸಿದ್ದಾರೆ.
ವೇಲ್ಸ್ ನ ಕಾರ್ಡಿಫ್ ಸಿಟಿಯಿಂದ ಪ್ರಯಾಣಿಕರನ್ನು ಹತ್ತಿಸಿಕೊಂಡು ಹೋಗುವಾಗ ಈ ಘಟನೆ ನಡೆದಿದೆ. ಬಹಳ ಕಾಯಿಸಿದಾಗ 20 ಪೌಂಡ್ ವೆಯ್ಟಿಂಗ್ ಚಾರ್ಜ್ ಕೇಳಿದ್ದಕ್ಕೆ ಇದೆಲ್ಲ ಶುರುವಾಯಿತು ಎಂದಿದ್ದಾರೆ.
