ನ್ಯೂಯಾರ್ಕ್: ತನ್ನ ಚೊಚ್ಚಲ ಪ್ರಯಾಣದಲ್ಲೇ ಮುಳುಗಿದ ಟೈಟಾನಿಕ್ ಹಡಗಿನಲ್ಲಿದ್ದ ಮೆನು ಕಾರ್ಡ್ ಹರಾಜಾಗಿದೆ. ಆನ್ಲೈನ್ ನಲ್ಲಿ ನಡೆದ ಹರಾಜಿನಲ್ಲಿ ಈ ಮೆನು 88,000 ಡಾಲರ್ಗೆ ಮಾರಾಟವಾಗಿದೆ.
ಟೈಟಾನಿಕ್ ಹಡಗಿನಲ್ಲಿ ಫಸ್ಟ್ ಕ್ಲಾಸಿನಲ್ಲಿ ಯಾತ್ರೆ ಮಾಡಿದ ಅಬ್ರಹಾಂ ಲಿಂಕನ್ ಸೋಲಮನ್ ಎಂಬಾತ ಈ ಕಾರ್ಡ್ನ್ನು ಜೋಪಾನವಾಗಿರಿಸಿದ್ದನು.
1912 ಏಪ್ರಿಲ್ 14ರ ಮೆನು ಕಾರ್ಡ್ ಇದಾಗಿದೆ. ಇದರಲ್ಲಿ ವೈಟ್ ಸ್ಟಾರ್ ಲೈನ್ ಲೋಗೋ ಕೂಡಾ ಇದೆ.
ಗ್ರಿಲ್ಡ್ ಮಟನ್ ಚಾಪ್ಸ್, ಕಸ್ಟರ್ಡ್ ಪುಡ್ಡಿಂಗ್, ಕಾರ್ನ್ಡ್ ಬೀಫ್, ಮೀನು, ಪೇಸ್ಟ್ರಿ, ಚೀಸ್ ಮೊದಲಾದ ಭಕ್ಷ್ಯಗಳ ಹೆಸರು ಈ ಮೆನುವಿನಲ್ಲಿದೆ.