ಚೈನಾ ಪ್ರವಾಹ ಮತ್ತು ಭೂಕುಸಿತಕ್ಕೆ ೧೪ ಬಲಿ

ಬೀಜಿಂಗ್: ಚೈನಾದ ಹಲೆವೆಡು ಉಂಟಾಗಿರುವ ಭಾರಿ ಪ್ರವಾಹ, ಭೂಕುಸಿತ ಮತ್ತು ಚಂಡಮಾರುತದಿಂದಾಗಿ ಕನಿಷ್ಠ ೧೪ ಜನ ಮೃತಪಟ್ಟಿದ್ದಾರೆ ಎಂದು ಗುರುವಾರ ಅಧಿಕಾರಿಗಳು ತಿಳಿಸಿದ್ದಾರೆ.

ತೀವ್ರ ಮಳೆ ಮತ್ತು ಭೂಕುಸಿತದಿಂದ ಗ್ಯುಜೋ ಪ್ರಾಂತ್ಯದಲ್ಲಿ ೯ ಜನ ಮೃತಪಟ್ಟಿದ್ದಾರೆ ಎಂದು ಮಾಧ್ಯವೊಂದು ವರದಿ ಮಾಡಿದೆ.

೬೫,೬೦೦ ಜನರನ್ನು ಈ ಪ್ರಾಂತ್ಯದಿಂದ ಸ್ಥಳಾಂತರ ಮಾಡಿದ್ದು, ೯ ಜನ ಕಾಣೆಯಾಗಿದ್ದಾರೆ ಎಂದು ಸರ್ಕಾರ ತಿಳಿಸಿದೆ.

ಹುನಾನ್ ಪ್ರಾಂತ್ಯದಲ್ಲಿ ನಾಲ್ಕು ಜನ ಮೃತಪಟ್ಟಿದ್ದು, ೬ ಜನ ಕಾಣೆಯಾಗಿದ್ದಾರೆ. ೧,೫೭,೦೦೦ ಕ್ಕೂ ಹೆಚ್ಚು ಜನರನ್ನು ಸ್ಥಳಾಂತರಿಸಲಾಗಿದೆ.