ದುಬೈ: ಕಾರುಗಳ ಟೈರ್ ಗಳ ಬೆಲೆ ಹೆಚ್ಚೆಂದರೆ ಕೆಲವು ಸಾವಿರ ಇರಬಹುದು. ಆದರೆ ಈ 4 ಟೈರ್‌ಗಳು ಬರೋಬ್ಬರಿ 4 ಕೋಟಿ ರೂ.ಗೆ ಮಾರಾಟವಾಗಿದೆ.
ಏನಪ್ಪಾ ಈ ಟೈರ್ ಗಳ ವಿಶೇಷ ಏನಂತೀರಾ, 24 ಕ್ಯಾರೆಟ್‌ ಚಿನ್ನ ಮತ್ತು ವಿಶೇಷವಾದ ವಜ್ರಗಳನ್ನು ಹೊಂದಿರುವ ನಾಲ್ಕು ಟಯರ್‌ಗಳನ್ನು ದುಬೈನ "ಝಡ್‌ ಟಯರ್‌' ತಯಾರಿಸಿದೆ.
ಸದ್ಯ ದುಬೈನಲ್ಲಿ ನಡೆಯುತ್ತಿರುವ ಆರ್‌ಇಐಎಫ್ಇಎನ್‌ ಜಾಗತಿಕ ಟಯರ್‌ ಮೇಳದಲ್ಲಿ ಇವುಗಳು 4.01 ಕೋಟಿ ರೂ.ಗಳಿಗೆ ಮಾರಾಟ ಮಾಡಿದೆ. ಜಗತ್ತಿನ ಪ್ರಖ್ಯಾತ ಅಕ್ಕಸಾಲಿಗರು, ಇಟಲಿಯ ಆರ್ಟಿಸನ್ ಜ್ಯುವೆಲ್ಲರಿ ವಿನ್ಯಾಸಕಾರರು ದುಬೈನಲ್ಲಿ ಈ ಟಯರ್‌ ಗಳನ್ನು ತಯಾರಿಸಿದ್ದಾರೆ.
ಈ ದುಬಾರಿ ಟಯರ್‌ಗಳು ಇದೀಗ ಗಿನ್ನೆಸ್ ದಾಖಲೆ ಪುಸ್ತಕದಲ್ಲಿ "ಜಗತ್ತಿನ ಅತಿ ದುಬಾರಿ ಟಯರ್‌' ಎಂದು ಸ್ಥಾನ ಪಡೆದಿವೆ.
ಝೆಡ್ ಟೈರ್ಸ್ ಸಂಸ್ಥೆ ಟೈರ್ ಮಾರಿದ ಹಣವನ್ನು ಜಾಗತಿಕ ಶಿಕ್ಷಣ ಸುಧಾರಣೆಗೆ ಕೆಲಸ ಮಾಡುವ ಜೆನಿಸಸ್ ಫೌಂಡೇಶನ್ ಗೆ ಕೊಡಲು ನಿರ್ಧರಿಸಿದೆ.
Advertisement