ಕಾಬೂಲ್: ಭಾರತ- ಇರಾನ್ ನಡುವಿನ ನಡೆದಿರುವ ಚಾಬಹಾರ್ ಬಂದರು ಒಪ್ಪಂದ ಯಶಸ್ವಿಯಾಗಿರುವುದನ್ನು ಅಫ್ಘಾನಿಸ್ತಾನ ಮಾಧ್ಯಮಗಳು ಪ್ರಶಂಸಿಸಿವೆ.
ಬಂದರು ನಿರ್ಮಾಣ ಒಪ್ಪಂದ ಯಶಸ್ವಿಯಾಗಿರುವುದು ಭಾರತ-ಇರಾನ್- ಅಫ್ಘಾನಿಸ್ತಾನ ಪ್ರದೇಶದಲ್ಲಿ ವ್ಯಾಪಾರ, ಆರ್ಥಿಕ ಸಹಕಾರಕ್ಕೆ ಪೂರಕವಾಗಿರಲಿದೆ ಎಂದು ಅಫ್ಘಾನಿಸ್ತಾನ ಮಾಧ್ಯಮಗಳು ಸಂಪಾದಕೀಯದಲ್ಲಿ ಒಪ್ಪಂದವನ್ನು ಬಣ್ಣಿಸಿವೆ.
ಚಾಬಹಾರ್ ಒಪ್ಪಂದದಿಂದಾಗಿ ಭಾರತದ ಸಮುದ್ರ ಮಾರ್ಗದ ಮೂಲಕ ಮಧ್ಯಪ್ರಾಚ್ಯವನ್ನು ಸಂರ್ಪಸುವುದರಲ್ಲಿ ಅಫ್ಘಾನಿಸ್ತಾನ ಪ್ರಮುಖ ಪಾತ್ರ ವಹಿಸಲಿದೆ, ಅಷ್ಟೇ ಅಲ್ಲದೇ ಸರಕುಗಳನ್ನು ಸಾಗಿಸಲು ಪಾಕಿಸ್ತಾನದ ಕರಾಚಿ ಬಂದರಿನ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಲಿದೆ ಎಂದು ಡೈಲಿ ಅಫ್ಘಾನಿಸ್ತಾನ್ ಪತ್ರಿಕೆ ಸಂಪಾದಕೀಯದಲ್ಲಿ ಬರೆದಿದೆ.
ಇರಾನ್ನ ಚಾಬಹಾರ್ ಪ್ರದೇಶ ಸಮುದ್ರ ತೀರದಲ್ಲಿರುವ ಕಾರಣ ಚಾಬಹಾರ್ ಬಂದರು ನಿರ್ಮಾಣದಿಂದ, ಇರಾನ್ ಮೂಲಕ ಅಫ್ಘಾನಿಸ್ತಾನ ಹಾಗೂ ಮಧ್ಯಪ್ರಾಚ್ಯ ದೇಶಗಳನ್ನು ಭಾರತ ಸುಲಭವಾಗಿ ಸಂರ್ಪಸಬಹುದು. ಚಾಬಹಾರ್ ಬಂದರಿಗೆ ಗುಜರಾತ್ ಹಾಗೂ ಮಹಾರಾಷ್ಟ್ರ ಕಡಲತೀರ ಸಾಕಷ್ಟು ಸನಿಹದಲ್ಲಿರುವ ಕಾರಣ ಸರಕು ಸಾಗಾಣಿಕೆ ವೆಚ್ಚ ಹಾಗೂ ಸಮಯ ಉಳಿತಾಯವಾಗಲಿದೆ.
Advertisement