ಗ್ವಾದರ್ ಬಂದರು ಬಳಸಲು ರಷ್ಯಾಗೆ ಪಾಕ್ ಅನುಮತಿ!

ಇಸ್ಲಾಮಾಬಾದ್: ಚೀನಾ-ಪಾಕಿಸ್ತಾನ ಎಕನಾಮಿಕ್ ಕಾರಿಡಾರ್ ಯೋಜನೆಯಲ್ಲಿ ಭಾಗಿಯಾಗಲು ಉತ್ಸಾಹ ತೋರಿರುವ ರಷ್ಯಾಗೆ ದ್ವದಾರ್ ಪೋರ್ಟ್ ನ್ನು ಬಳಕೆ ಮಾಡಿಕೊಳ್ಳಲು ಅನುಮತಿ ನೀಡಲು ಪಾಕಿಸ್ತಾನ ನಿರ್ಧರಿಸಿದೆ. 

ರಷ್ಯಾ ತನ್ನ ರಫ್ತು ವಹಿವಾಟುಗಳಿಗೆ ಗ್ವಾದರ್ ಬಂದರನ್ನು ಬಳಸಿಕೊಳ್ಳಲು ಅವಕಾಶ ನೀಡುವ ಬಗ್ಗೆ ಮನವಿ ಮಾಡಿತ್ತು. ರಷ್ಯಾದ ಮನವಿಯನ್ನು ಪುರಸ್ಕರಿಸಿರುವ ಪಾಕಿಸ್ತಾನ ರಷ್ಯಾಗೆ ಗ್ವಾದರ್ ಬಂದರನ್ನು ಬಳಸಿಕೊಳ್ಳಲು ಅನುಮತಿ ನೀಡಬೇಕೆಂಬ ನಿರ್ಧಾರ ಕೈಗೊಂಡಿದೆ. ಸಿಪಿಇಸಿ ಯೋಜನೆಯನ್ನು ತನ್ನನ್ನು ಭಾಗೀದಾರನನ್ನಾಗಿ ಸ್ವೀಕರಿಸಿದ್ದೇ ಆದಲ್ಲಿ ಪಾಕಿಸ್ತಾನದೊಂದಿಗೆ ರಷ್ಯಾ ರಕ್ಷಣಾ ಸಂಬಂಧವನ್ನು ವೃದ್ಧಿಗೊಳಿಸುವ ಭರವಸೆ ನೀಡಿದೆ. ಈ ಹಿನ್ನೆಲೆಯಲ್ಲಿ ಪಾಕಿಸ್ತಾನ ರಷ್ಯಾಗೆ ಗ್ವಾದರ್ ಬಂದರನ್ನು ಬಳಕೆ ಮಾಡಿಕೊಳ್ಳಲು ಅನುಮತಿ ನೀಡಲು ಮುಂದಾಗಿದೆ.