ಸ್ಟಾಕ್ ಹೋಮ್: ಸ್ವೀಡನ್ ನ ಸೆಂಟ್ರಲ್ ಸ್ಟಾಕ್ ಹೋಮ್ ನಲ್ಲಿ ಶುಕ್ರವಾರ ಲಾರಿಯೊಂದು ಡಿಪಾರ್ಟ್ ಮೆಂಟ್ ಸ್ಟೋರ್ ಗೆ ನುಗ್ಗಿದ್ದು, ಘಟನೆಯಲ್ಲಿ ಕನಿಷ್ಠ ಮೂವರು ಮೃತಪಟ್ಟಿದ್ದಾರೆ ಎಂದು ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ.
ಭಾರತೀಯ ರಾಯಭಾರ ಕಚೇರಿ ಸಮೀಪದಲ್ಲಿರು ಕ್ವೀನ್ಸ್ ಸ್ಟ್ರೀಟ್ ನ ಜನನಿಬಿಡ ಪ್ರದೇಶದಲ್ಲೇ ಈ ಘಟನೆ ನಡೆದಿದ್ದು, ಇದು ಉಗ್ರರ ದಾಳಿಯಾಗಿರುವ ಸಾಧ್ಯತೆ ಇದೆ ಎಂದು ಸ್ವೀಡನ್ ಪ್ರಧಾನಿ ಸ್ಟೆಫನ್ ಲೋಫ್ವೆನ್ ಅವರು ಶಂಕೆ ವ್ಯಕ್ತಪಿಡಿಸಿದ್ದಾರೆ.
ಸ್ವೀಡನ್ ಮೇಲೆ ದಾಳಿ ನಡೆದಿದ್ದು, ಇದು ಉಗ್ರರ ಕೃತ್ಯ ಎಂದು ಸ್ಪಷ್ಟವಾಗಿ ತಿಳಿಯುತ್ತಿದೆ ಎಂದು ಲೊಫ್ವೆನ್ ಅವರು ಹೇಳಿದ್ದಾರೆ.
ಘಟನೆಯಲ್ಲಿ ಮೂವರು ಮೃತಪಟ್ಟಿರುವುದಾಗಿ ಸ್ಡೀಡಿಶ್ ರೆಡಿಯೋ ವರದಿ ಮಾಡಿದೆ. ಹಲವು ಜನ ಗಾಯಗೊಂಡಿದ್ದಾರೆ ಎಂದು ಗುಪ್ತಚರ ಸಂಸ್ಥೆ ಹೇಳಿದೆ.
