26/11 ಮಾಸ್ಟರ್ ಮೈಂಡ್ ಹಫೀಜ್ ಸಯೀದ್ ಬಿಡುಗಡೆಗೆ ಪಾಕ್ ಕೋರ್ಟ್ ಆದೇಶ

ಲಾಹೋರ್: 26/11 ಘಟನೆಯ ವಾರ್ಷಿಕ ದಿನಕ್ಕೆ 4 ದಿನಗಳಿರುವಾಗಲೇ ದಾಳಿಯ ರೂವಾರಿ ಹಫೀಜ್ ಸಯೀದ್ ಬಿಡುಗಡೆಗೆ ಪಾಕಿಸ್ತಾನದ ನ್ಯಾಯಾಲಯವೊಂದು ಆದೇಶ ನೀಡಿದೆ. 

ಜೆಯುಡಿ ಉಗ್ರ ಸಂಘಟನೆಯ ಮುಖ್ಯಸ್ಥ ಹಫೀಜ್ ಸಯೀದ್ ನನ್ನು ಜನವರಿ 31 ರಿಂದ ಗೃಹ ಬಂಧನದಲ್ಲಿ ಇರಿಸಲಾಗಿತ್ತು. ಹಫೀಜ್ ಸಯೀದ್ ನೊಂದಿಗೆ ಆತನ ಸಹಚರರಾದ ಅಬ್ದುಲ್ ರೆಹಮಾನ್ ಅಬಿದ್ ಹಾಗೂ ಖಾಝಿ ಕಶಿಫ್ ಹುಸೇನ್ ನ್ನು ಪಂಜಾಬ್ ಸರ್ಕಾರ 1997 ರ ಭಯೋತ್ಪಾದನೆ ನಿಗ್ರಹ ಕಾಯ್ದೆಯ ಅಡಿಯಲ್ಲಿ 90 ದಿನಗಳು ಬಂಧಿಸಿಟ್ಟಿತ್ತು. 

ಜೆಯುಡಿ ಉಗ್ರ ಸಂಘಟನೆ ನಿಷೇಧಿತ ಲಷ್ಕರ್-ಎ-ತೊಯ್ಬಾ ಉಗ್ರ ಸಂಘಟನೆಯ ಭಾಗವಾಗಿದ್ದು, 2008ರ ಮುಂಬೈ ದಾಳಿಗೆ ಇದೇ ಉಗ್ರ ಸಂಘಟನೆ ಕಾರಣವಾಗಿದೆ.