ಮಿಸ್ ಸೌತ್ ಆಫ್ರಿಕಾ ಮುಡಿಗೆ 2017ರ ಮಿಸ್ ಯೂನಿವರ್ಸ್ ಗರಿ

ಕೊಲಂಬೋ: 2017ನೇ ಸಾಲಿನ ಮಿಸ್ ಯೂನಿವರ್ಸ್ ಸ್ಪರ್ಧೆಯಲ್ಲಿ ಮಿಸ್ ಸೌತ್ ಆಫ್ರಿಕಾ ಸುಂದರಿ ಡೆಮಿ ಲೀ ನೆಲ್ ಪೀಟರ್ಸ್ ಮಿಸ್ ಯೂನಿವರ್ಸ್ ಮುಡಿಗೇರಿಸಿಕೊಂಡಿದ್ದಾರೆ.

ಶ್ರೀಲಂಕಾದ ಕೊಲಂಬೋದಲ್ಲಿ ನಡೆಯುತ್ತಿರುವ 2017ರ ಮಿಸ್ ಯೂನಿವರ್ಸ್ ಸ್ಪರ್ಧೆಯಲ್ಲಿ ದಕ್ಷಿಣ ಆಫ್ರಿಕಾ ಸುಂದರಿ ಸ್ಪರ್ಧೆಯಲ್ಲಿ ಜಯಗಳಿಸುವ ಮೂಲಕ ಈ ಕೀರ್ತಿಗೆ ಭಾಜನರಾಗಿದ್ದಾರೆ. ಇನ್ನು ಸ್ಪರ್ಧೆಯಲ್ಲಿ ಭಾರತದ ಶ್ರದ್ಧಾ  ಶ್ರೀಧರ್ ಕಣದಲ್ಲಿದ್ದರಾದರೂ, ಟಾಪ್ 16ರ ಪಟ್ಟಿಗೆ ಪ್ರವೇಶ ಪಡೆಯುವಲ್ಲಿ ವಿಫಲರಾದರು. ಆ ಮೂಲಕ ಮತ್ತೆ ಭಾರತ ಮಿಸ್ ಯೂನಿವರ್ಸ್ ಕನಸು ಭಗ್ನಗೊಂಡಿತು.

ಇನ್ನು ಸ್ಪರ್ಧೆಯಲ್ಲಿ ಕೊಲಂಬಿಯಾ ಮೂಲದ ನಟಿ ಲಾರಾ ಗೊನ್ಜಾಲೆಜ್ ಮತ್ತು ಜಮೈಕಾದ ಡೇವಿನಾ ಬೆನೆಟ್ ಅವರು ರನ್ನರ್ ಅಪ್ ಪ್ರಶಸ್ತಿಗೆ ತೃಪ್ತಿ ಪಟ್ಟುಕೊಂಡರು.  ಇನ್ನು ಮಿಸ್ ಯೂನಿವರ್ಸ್ ಆಗಿ ಡೆಮಿ ಲೀ ನೆಲ್ ಪೀಟರ್ಸ್  ಆಯ್ಕೆಯಾದ ವಿಚಾರವನ್ನು ಮಿಸ್ ಯೂನಿವರ್ಸ್ ಸ್ಪರ್ಧೆ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಪ್ರಕಟಿಸಲಾಗಿದೆ. ಸ್ಪರ್ಧೆಯಲ್ಲಿ ಒಟ್ಟು 92 ಸ್ಪರ್ಧಿಗಳು ಇದ್ದರು.