ರದ್ದುಗೊಂಡ ಹಳೆಯ ನೋಟುಗಳ ಬದಲಾವಣೆಗೆ ಎನ್ಆರ್ ಐ ಗಳಿಗಿಲ್ಲ ಮತ್ತೊಂದು ಚಾನ್ಸ್: ಸುಷ್ಮಾ ಸ್ವರಾಜ್

ವಾಷಿಂಗ್ ಟನ್: 2016 ರ ನವೆಂಬರ್ 8 ರಂದು ರದ್ದುಗೊಂಡಿದ್ದ 500, 1000 ರೂ ಮುಖಬೆಲೆಯ ನೋಟುಗಳನ್ನು ಹೊಸ ನೋಟುಗಳಿಗೆ ಬದಲಾವಣೆ ಮಾಡಿಕೊಳ್ಳಲು ಅನಿವಾಸಿ ಭಾರತೀಯರಿಗೆ ಅಥವಾ ವಿದೇಶದಲ್ಲಿರುವ ಭಾರತೀಯ ಮೂಲದ ವ್ಯಕ್ತಿಗಳಿಗೆ ಮತ್ತೊಂದು ಅವಕಾಶ ನೀಡುವುದಿಲ್ಲ ಎಂದು ವಿದೇಶಾಂಗ ಇಲಾಖೆ ಸಚಿವೆ ಸುಷ್ಮಾ ಸ್ವರಾಜ್ ಹೇಳಿದ್ದಾರೆ. 

ಗ್ಲೋಬಲ್ ಆರ್ಗನೈಸೇಷನ್ ಫಾರ್ ಪೀಪಲ್ ಆಫ್ ಇಂಡಿಯನ್ ಒರಿಜಿನ್(ಜಿಒಪಿಐಒ)  ನೊಂದಿಗೆ ಮಾತನಾಡಿದ್ದ ವೇಳೆ ಸುಷ್ಮಾ ಸ್ವರಾಜ್ ಈ ಹೇಳಿಕೆ ನೀಡಿದ್ದಾರೆ. ಎನ್ಆರ್ಐ ಗಳಿಗೆ ಹಳೆಯ ನಿಷೇಧಿತ ನೋಟುಗಳನ್ನು ಹೊಸ ನೋಟುಗಳಿಗೆ ಬದಲಾವಣೆ ಮಾಡಿಕೊಳ್ಳಲು ಸಾಕಷ್ಟು ಅವಕಾಶ ನೀಡಲಾಗಿತ್ತು. ಸರ್ಕಾರ ಎನ್ಆರ್ ಐ ಗಳಿಗೆ ಮತ್ತೊಮ್ಮೆ ಅಂತಹ ಅವಕಾಶ ನೀಡುವುದಕ್ಕೆ ಸಾಧ್ಯವಿಲ್ಲ ಎಂದು ಸುಷ್ಮಾ ಸ್ವರಾಜ್ ಜಿಒಪಿಐಒ ಸಭೆಯಲ್ಲಿ ಸ್ಪಷ್ಟಪಡಿಸಿದ್ದಾರೆ.