ಲಂಡನ್: ಅಕ್ರಮ ಡ್ರಗ್ಸ್ ಮಾರಾಟ ದಂಧೆಯಲ್ಲಿ ತೊಡಗಿದ್ದ ಭಾರತೀಯನೊಬ್ಬನಿಗೆ ಬ್ರಿಟನ್ ನ್ಯಾಯಾಲಯ ಒಂಬತ್ತು ವರ್ಷಗಳ ಸೆರೆವಾಸ ಶಿಕ್ಷೆ ವಿಧಿಸಿದೆ.
ಮಾದಕ ವಸ್ತು ಅಕ್ರಮ ಸಾಗಾಣಿಕೆ ಆರೋಪದಲ್ಲಿ ಪೂರ್ವ ಲಂಡನ್ ನಲ್ಲಿರುವ ಸ್ನೇರ್ಸ್ ಬ್ರೂಕ್ ನ್ಯಾಯಾಲಯ ಭಾರತ ಮೂಲದ ಜಿತೇಂದ್ರ ಪಾರೇಖ್ ((48) ಎನ್ನುವಾತನಿಗೆ ಒಂಬತ್ತು ವರ್ಷ ಜೈಲುವಾಸದ ಶಿಕ್ಷೆ ಪ್ರಕಟಿಸಿದೆ.
ಪಾರೇಖ್ ಹಾಗೂ ಆತನ ಮಹಿಳಾ ಸಹಚಾರಿಣಿ ಸಿಬೆಲಾ (29) ಐದು ಕೆಜಿ ಹೆರಾಯಿನ್‍ನ್ನು ವಾಹನದಲ್ಲಿ ಸಾಗಿಸುತ್ತಿದ್ದಾಗ ಪೋಲೀಸರ ಕೈಗೆ ಸಿಕ್ಕಿದ್ದಾರೆ.ವಶಪಡಿಸಿಕೊಂಡ ಐಮಾದಕ ವಸ್ತುವಿನ ಬೆಲೆ ಸುಮಾರು ಐದು ಲಕ್ಷ ಪೌಂಡ್ ಎಂದು ಅಂದಾಜಿಸಲಾಗಿದೆ.
ಇನ್ನೋರ್ವ ಆರೋಪಿಯಾಗಿದ್ದ ಸಿಬೆಲಾ ಮನೆ ಶೋಧ ನಡೆಸಿದಾಗ ಅಲ್ಲಿ 46 ಕೆಜಿ ಹೆರಾಯಿನ್ ಪತ್ತೆಯಾಗಿದೆ.ಇದು ಸುಮಾರು 4.6 ಮಿಲಿಯನ್ ಪೌಂಡ್ ಬೆಲೆ ಬಾಳುತ್ತದೆ ಎಂದು ಅಂದಾಜಿಸಲಾಗಿದೆ.
