ಲಂಡನ್ ಟೆಸ್ಕೋ ಪಾರ್ಕ್ ಸೂಪರ್ ಮಾರ್ಕೆಟ್ ನಲ್ಲಿ ಕೆಲಸ ಮಾಡುತ್ತಿದ್ದ ಹೈದರಾಬಾದ್ ಮೂಲದ ಮೊಹಮದ್ ನದೀಮುದ್ದೀನ್ ರನ್ನು ದುಷ್ಕರ್ಮಿಗಳು ಚಾಕು ಇರಿದು ಕೊಂದು ಹಾಕಿದ್ದಾರೆ. ಲಂಡನ್ ನ ಬರ್ಕ್ ಶೈರ್ ನ ವೆಲ್ಲಿಂಗ್ಟನ್ ಸ್ಟ್ರೀಟ್ ನಲ್ಲಿರುವ ಟೆಸ್ಕೋ ಪಾರ್ಕ್ ಸೂಪರ್ ಮಾರ್ಕೆಟ್ ನ ಪಾರ್ಕಿಂಗ್ ಪ್ರದೇಶದಲ್ಲಿ ಈ ಘಟನೆ ನಡೆದಿದ್ದು, ಮೊಹಮದ್ ನದೀಮುದ್ದೀನ್ ರನ್ನು ಇರಿದು ದುಷ್ಕರ್ಮಿಗಳು ಪರಾರಿಯಾಗಿದ್ದಾರೆ. ರಕ್ತದ ಮಡುವಿನಲ್ಲಿ ಬಿದ್ದಿದ್ದ ಮೊಹಮದ್ ನದೀಮುದ್ದೀನ್ ಅವರನ್ನು ಸ್ಛಳೀಯರು ಕೂಡಲೇ ಆಸ್ಪತ್ರೆಗೆ ಸೇರಿಸಲು ಮುಂದಾದಾರಾದರೂ, ಆಂಬುಲೆನ್ಸ್ ನಲ್ಲಿಯೇ ಮೊಹಮದ್ ನದೀಮುದ್ದೀನ್ ರ ಪ್ರಾಣ ಪಕ್ಷಿ ಹಾರಿ ಹೋಗಿತ್ತು ಎಂದು ತಿಳಿದುಬಂದಿದೆ.