ಅಮೆರಿಕದಲ್ಲಿ ಮೊದಲ ಕೋವಿಡ್ ಲಸಿಕೆ ಪಡೆದ ನ್ಯೂಯಾರ್ಕ್ ನರ್ಸ್!

ನ್ಯೂಯಾರ್ಕ್:  ನ್ಯೂಯಾರ್ಕ್ ನ ನರ್ಸ್ ಒಬ್ಬರು ಸೋಮವಾರ ಕೋವಿಡ್ ಲಸಿಕೆ ಪಡೆದ ಅಮೆರಿಕದ ಮೊದಲ ಪ್ರಜೆಯಾಗಿ  ಹೊರಹೊಮ್ಮಿದ್ದಾರೆ.

ಲಾಂಗ್ ಐಸ್ ಲ್ಯಾಂಡ್ ಯಹೂದಿ ವೈದ್ಯಕೀಯ ಕೇಂದ್ರದ ತುರ್ತು ನಿಗಾ ಘಟಕದ ನರ್ಸ್ ಸಾಂಡ್ರಾ ಲಿಂಡ್ಸೆ ಸ್ಥಳೀಯ ಕಾಲಮಾನ 9-30ಕ್ಕಿಂತಲೂ ಮುಂಚೆ ಟಿವಿ ನೇರ ಪ್ರಸಾರದಲ್ಲಿ ಲಸಿಕೆ ಪಡೆದರು.

ಮೊದಲ ಲಸಿಕೆ ನೀಡಲಾಗಿದೆ. ಅಮೆರಿಕಕ್ಕೆ ಅಭಿನಂದನೆಗಳು, ವಿಶ್ವಕ್ಕೆ ಅಭಿನಂದನೆಗಳು ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಟ್ವೀಟ್ ಮಾಡಿದ್ದಾರೆ.