ಕುವೈತ್: ಕಳೆದೊಂದು ತಿಂಗಳಿನಿಂದ ನಡೆಯುತ್ತಿದ್ದ ಅಮೆರಿಕ-ಇಸ್ರೇಲ್-ಇರಾನ್ ಯುದ್ದಕ್ಕೆ ತಾತ್ಕಾಲಿಕ ಬ್ರೇಕ್ ಹಾಕಿದ್ದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು, ಕದನ ವಿರಾಮ ಘೋಷಿಸಿದ್ದಾರೆ. ಇದಕ್ಕೆ ಇರಾನ್, ಇಸ್ರೇಲ್ ಸಹ ಒಪ್ಪಿಗೆ ಸೂಚಿವೆ.
ಕದನ ವಿರಾಮದ ಮಧ್ಯೆಯೇ ಇರಾನ್, ಕುವೈತ್ನ ತೈಲ, ವಿದ್ಯುತ್ ಕೇಂದ್ರಗಳನ್ನು ಗುರಿಯಾಗಿಸಿಕೊಂಡು ಡ್ರೋನ್ ದಾಳಿ ನಡೆಸಿದೆ ಎಂದು ಕುವೈತ್ ಮತ್ತು ಯುಎಇ ಹೇಳಿವೆ.
ರಕ್ಷಣಾ ಸಚಿವಾಲಯದ ವಕ್ತಾರ ಕರ್ನಲ್ ಸೌದ್ ಅಬ್ದುಲಜೀಜ್ ಅಲ್-ಒಟೈಬಿ ಅವರ ಪ್ರಕಾರ, ಕುವೈತ್ ವಾಯು ರಕ್ಷಣಾ ಪಡೆಗಳು, 28 ಇರಾನಿನ ಡ್ರೋನ್ಗಳನ್ನು ತಡೆಹಿಡಿದಿದೆ. ಇದು "ಪ್ರತಿಕೂಲ ಇರಾನಿನ ಕ್ರಿಮಿನಲ್ ದಾಳಿಗಳ ತೀವ್ರ ಅಲೆ" ಎಂದು ಅಲ್-ಒಟೈಬಿ ಹೇಳಿದ್ದಾರೆ.
"ಹೆಚ್ಚಿನ ಸಂಖ್ಯೆಯ ಪ್ರತಿಕೂಲ ಡ್ರೋನ್ಗಳನ್ನು ಹೊಡೆದುರುಳಿಸಲಾಗಿದೆ" ಎಂದು ಅವರು ತಿಳಿಸಿದ್ದಾರೆ.
ಅದೇ ಸಮಯದಲ್ಲಿ ಯುನೈಟೆಡ್ ಅರಬ್ ಎಮಿರೇಟ್ಸ್ನ ರಕ್ಷಣಾ ಸಚಿವಾಲಯ ಸಹ, ತನ್ನದೇ ಆದ ವಾಯು ರಕ್ಷಣಾ ಪಡೆಗಳು "ಇರಾನ್ನಿಂದ ಬಂದ ಕ್ಷಿಪಣಿ ಮತ್ತು ಡ್ರೋನ್ ದಾಳಿಯನ್ನು ತಡೆಯುವಲ್ಲಿ ನಿರತವಾಗಿವೆ" ಎಂದು ಹೇಳಿದೆ.
ಕದನ ವಿರಾಮ ಹೊರತಾಗಿಯೂ ಇರಾನ್ ಏಕೆ ಈ ದಾಳಿಗಳನ್ನು ನಡೆಸುತ್ತಿದೆ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.
Advertisement
