ಟೆಹ್ರಾನ್: ಇರಾನ್ ಗೆ ಹಣಕಾಸು ಮತ್ತು ಆಹಾರ ಪದಾರ್ಥಗಳ ಅಗತ್ಯವಿದೆ ಎಂಬ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿಕೆ ವಿರುದ್ಧ ಇರಾನ್ ಕಿಡಿಕಾರಿದೆ.
ಸಂಭಾವ್ಯ ರಾಜತಾಂತ್ರಿಕ ಪ್ರಗತಿಯ ಭಾಗವಾಗಿ ಇರಾನ್ಗೆ ಆಹಾರ ಪದಾರ್ಥಗಳ ಅವಶ್ಯಕತೆಯಿದ್ದು, ಅದನ್ನು ರಫ್ತು ಮಾಡಲು ಅಮೆರಿಕ ಆಶಿಸಿದೆ ಎಂದು ಟ್ರಂಪ್ ಹೇಳಿದ ನಂತರ ಅಮೆರಿಕದ ಸ್ವಂತ ದೇಶೀಯ ಸವಾಲುಗಳನ್ನು ಬಿಂಬಿಸುತ್ತಿದ್ದಾರೆ ಎಂದು ಇರಾನ್ ಸಂಸತ್ತಿನ ಸ್ಪೀಕರ್ ಮೊಹಮ್ಮದ್ ಬಘರ್ ಗಾಲಿಬಾಫ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಈ ಕುರಿತು ಸಾಮಾಜಿಕ ಜಾಲತಾಣ ಎಕ್ಸ್ ನಲ್ಲಿ ಅವರು ಪೋಸ್ಟ್ ಮಾಡಿದ್ದು, ನಿಮ್ಮದೇ ಸ್ವಂತ ರಾಷ್ಟ್ರದ ನಲವತ್ತು ಮಿಲಿಯನ್ ಜನರು ಆಹಾರದಅಂಚೆಚೀಟಿಗಳನ್ನು ಹೊಂದಿದ್ದು, ಇನ್ನೊಂದು ರಾಷ್ಟ್ರವನ್ನು ಹಸಿದಿದ್ದಾರೆ ಎಂದು ಕರೆಯುತ್ತೀರಾ, ಇದು ಘೋಷಣೆಯಲ್ಲ. ಇದು ಒಂದು ಪ್ರಕ್ಷೇಪಣ. ನಿಮ್ಮ ಸಲಹೆಯನ್ನು ನೀವೇ ಇಟ್ಟುಕೊಳ್ಳಿ. ನಮ್ಮ ಆಸ್ತಿಗಳು, ನಮ್ಮ ಆಯ್ಕೆಗಳು. ನಿಮ್ಮ ಅಪೌಷ್ಟಿಕತೆಯ ದರಗಳನ್ನು ಗಮನದಲ್ಲಿಟ್ಟುಕೊಳ್ಳಿ ಎಂದು ತಿರುಗೇಟು ನೀಡಿದ್ದಾರೆ.
ಸಿಎನ್ಬಿಸಿಗೆ ನೀಡಿದ ಸಂದರ್ಶನದಲ್ಲಿ ಟ್ರಂಪ್ ಇರಾನ್ನ ಆರ್ಥಿಕತೆ ತೀವ್ರವಾಗಿ ದುರ್ಬಲಗೊಂಡಿದೆ ಎಂದು ಹೇಳಿಕೊಂಡ ನಂತರ ಈ ಹೇಳಿಕೆ ನೀಡಿದ್ದಾರೆ. ಇರಾನ್ ಶೇಕಡಾ 300 ರಷ್ಟು ಹಣದುಬ್ಬರವನ್ನು ಹೊಂದಿದ್ದು, ಅವರು ಹಣ ಗಳಿಸುತ್ತಿಲ್ಲ. ಹೀಗಾಗಿ ಅಮೆರಿಕ ಇರಾನ್ಗೆ ಆಹಾರ ಸರಕುಗಳನ್ನು ರಫ್ತು ಮಾಡಲು ಆಶಿಸುತ್ತಿದೆ ಎಂದು ಟ್ರಂಪ್ ಹೇಳಿದ್ದರು.
ಇರಾನ್ ಗೆ ಆಹಾರದ ಅವಶ್ಯಕತೆಯಿದೆ. ಜೋಳ, ಗೋಧಿ ಮತ್ತು ಸೋಯಾಬೀನ್ ಬೇಕು. ನಮ್ಮ ಅಮೆರಿಕದ ರೈತರು ಮಾತ್ರ ಅದನ್ನು ಒದಗಿಸುತ್ತಾರೆ ಎಂದು ಟ್ರಂಪ್ ಹೇಳಿದ್ದರು.
