Nvidia ಸಿಇಒ ಸ್ಥಾನಕ್ಕೆ ಮರಳಲು 'ವಾರ್ ರೂಂ' ಸಜ್ಜುಗೊಳಿಸಿದ ಜೆನ್ಸನ್ ಹುವಾಂಗ್: ವರದಿ

ವರದಿಯ ಪ್ರಕಾರ, ಹುವಾಂಗ್ ತಮ್ಮನ್ನು ಮತ್ತೆ ಸಿಇಒ ಸ್ಥಾನಕ್ಕೆ ನೇಮಿಸುವಂತೆ ಬೆಂಬಲ ಕ್ರೋಡೀಕರಿಸಲು ಸಿಲಿಕಾನ್ ವ್ಯಾಲಿಯ ಹಿರಿಯ ಕಾರ್ಯನಿರ್ವಾಹಕರ ತಂಡವೊಂದನ್ನು ಸಜ್ಜುಗೊಳಿಸುತ್ತಿದ್ದಾರೆ. ಅಲ್ಲದೆ, ಶ್ವೇತಭವನದ ಬೆಂಬಲ ಪಡೆಯಲು ಕೂಡ ಪ್ರಯತ್ನಿಸಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
Jensen Huang
ಜೆನ್ಸನ್ ಹುವಾಂಗ್
Updated on: 

ಎನ್‌ವಿಡಿಯಾದ ಮಾಜಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (CEO) ಜೆನ್ಸನ್ ಹುವಾಂಗ್ ಮತ್ತೆ ಅದೇ ಹುದ್ದೆಗೆ ಮರಳುವ ಇಂಗಿತ ವ್ಯಕ್ತಪಡಿಸಿದ್ದು, ಈ ಕುರಿತು ತಮ್ಮ ಆಪ್ತರೊಂದಿಗೆ ಚರ್ಚೆ ನಡೆಸಿದ್ದಾರೆ ಎಂದು ಫೈನಾನ್ಷಿಯಲ್ ಟೈಮ್ಸ್ ವರದಿ ಮಾಡಿದೆ.

ವರದಿಯ ಪ್ರಕಾರ, ಹುವಾಂಗ್ ತಮ್ಮನ್ನು ಮತ್ತೆ ಸಿಇಒ ಸ್ಥಾನಕ್ಕೆ ನೇಮಿಸುವಂತೆ ಬೆಂಬಲ ಕ್ರೋಡೀಕರಿಸಲು ಸಿಲಿಕಾನ್ ವ್ಯಾಲಿಯ ಹಿರಿಯ ಕಾರ್ಯನಿರ್ವಾಹಕರ ತಂಡವೊಂದನ್ನು ಸಜ್ಜುಗೊಳಿಸುತ್ತಿದ್ದಾರೆ. ಅಲ್ಲದೆ, ಶ್ವೇತಭವನದ ಬೆಂಬಲ ಪಡೆಯಲು ಕೂಡ ಪ್ರಯತ್ನಿಸಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

Jensen Huang
Nvidia ವಿವಾದ: ಗೂಢಚಾರಿಕೆ ಆರೋಪ; 'ಕಟ್ಟುಕಥೆ' ನಿಲ್ಲಿಸುವಂತೆ ಅಮೆರಿಕಕ್ಕೆ ಚೀನಾ ತಾಕೀತು!

ತಂತ್ರಜ್ಞಾನ ಕ್ಷೇತ್ರದಲ್ಲಿ ಮುಂಚೂಣಿಯಲ್ಲಿರುವ ಎಐ ಪ್ರಯೋಗಾಲಯಗಳನ್ನು ಹೊರತುಪಡಿಸಿದರೆ, ಮಹತ್ವದ ಸ್ಥಾನದಲ್ಲಿರುವ ಪ್ರತಿಯೊಬ್ಬರೂ ಜೆನ್ಸನ್ ಅವರನ್ನು ಇಷ್ಟಪಡುತ್ತಾರೆ ಎಂದು ಅವರ ಆಪ್ತರೊಬ್ಬರು ಫೈನಾನ್ಷಿಯಲ್ ಟೈಮ್ಸ್‌ಗೆ ತಿಳಿಸಿದ್ದಾರೆ. ಈ ಪ್ರಯತ್ನಗಳಿಗೆ ಹುವಾಂಗ್ ಅವರ ಬೆಂಬಲವೂ ಇದೆ ಎಂದು ಅವರು ಹೇಳಿದ್ದಾರೆ.

ಇದಕ್ಕೂ ಮೊದಲು, ಹುವಾಂಗ್ ಅವರ ಉತ್ತರಾಧಿಕಾರಿಯಾಗಿ ಬ್ರಿಟನ್‌ನ ಚಿಪ್ ತಯಾರಿಕಾ ಕಂಪನಿ ಆರ್ಮ್ ಹೋಲ್ಡಿಂಗ್ಸ್‌ನ ಸಿಇಒ ರೆನೆ ಹಾಸ್ ಅವರನ್ನು ನೇಮಿಸುವ ಕುರಿತು ಎನ್‌ವಿಡಿಯಾ ಆಡಳಿತ ಮಂಡಳಿ ಸಂಪರ್ಕಿಸಿತ್ತು ಎನ್ನಲಾಗಿದೆ.

ವಿವಾಹೇತರ ಸಂಬಂಧಗಳ ಕುರಿತ ಬಹಿರಂಗ ಮಾಹಿತಿಗಳ ಹಿನ್ನೆಲೆಯಲ್ಲಿ ಕಳೆದ ವಾರ ಹುವಾಂಗ್ ಸಿಇಒ ಸ್ಥಾನದಿಂದ ಕೆಳಗಿಳಿದಿದ್ದರು. ಈ ಸಂಬಂಧಗಳಲ್ಲಿ ಚೀನಾದ ಗೂಢಚಾರನೆಂದು ಶಂಕಿಸಲಾದ ವ್ಯಕ್ತಿಯೊಂದಿಗಿನ ಸಂಬಂಧವೂ ಸೇರಿದೆ ಎನ್ನಲಾಗಿದ್ದು, ಇದರಿಂದ ಚೀನಾಕ್ಕೆ ಕಂಪನಿಯ ಅತ್ಯಾಧುನಿಕ ಎಐ ಚಿಪ್‌ಗಳ ರಫ್ತಿನ ಕುರಿತು ಪ್ರಶ್ನೆಗಳು ಎದ್ದಿದ್ದವು. ಎನ್‌ವಿಡಿಯಾದ ಇಬ್ಬರು ಪ್ರತ್ಯೇಕ ಉದ್ಯೋಗಿಗಳೊಂದಿಗೂ ಹುವಾಂಗ್ ಸಂಬಂಧ ಹೊಂದಿದ್ದರು ಎಂಬ ಮತ್ತೆರಡು ವರದಿಗಳೂ ಪ್ರಕಟವಾಗಿವೆ.

ಈ ವಿವಾದದಿಂದ ಚಿಪ್ ತಯಾರಿಕಾ ಕಂಪನಿ ತೀವ್ರ ಬಿಕ್ಕಟ್ಟಿಗೆ ಸಿಲುಕಿದ್ದು, ಹುವಾಂಗ್ ಆರ್ಥಿಕವಾಗಿ ಬೆಂಬಲ ನೀಡಿದ್ದ ಎಐ ಉದ್ಯಮದಲ್ಲೂ ಭಾರಿ ಸಂಚಲನ ಮೂಡಿಸಿದೆ.

Follow KannadaPrabha channel on WhatsApp

  

Subscribe to KannadaPrabha YouTube Channel and watch Videos

   

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

X