ಮುಂಬೈ: ಟ್ವಿಟರ್ ಮತ್ತು ಫೇಸ್ಬುಕ್ ಅನ್ನು ಬಳಸದವರೇ ಇಲ್ಲ. ಈಗ ಭಾರತೀಯ ರಿಸರ್ವ್ ಬ್ಯಾಂಕ್ ಕೂಡ ಟ್ವಿಟರ್ ಮೂಲಕ ತನ್ನ ಪ್ರಮುಖ ನಿರ್ಧಾರಗಳನ್ನು ಘೋಷಿಸುವ ಸಾಧ್ಯತೆ ಅಧಿಕವಾಗಿದೆ.
ಮೈಕ್ರೋಬ್ಲಾಗಿಂಗ್ ತಾಣ ಟ್ವಿಟರ್ನಲ್ಲಿ ಆರ್ ಬಿಐ ಖಾತೆ ತೆರೆದಿದೆ. @rbi_official ಎಂಬ ಹ್ಯಾಂಡಲ್ನಲ್ಲಿ ವರಿಷ್ಠ ಬ್ಯಾಂಕ್ನ ಎಲ್ಲ ಘೋಷಣೆಗಳೂ ಸಿಗಲಿದೆ. ಇಷ್ಟು ಮಾತ್ರವಲ್ಲ ಮುಂದಿನ ತ್ರೈಮಾಸಿಕ ಸಭೆಯ ಬಳಿಕ ಸಾಲ ಪರಿಷ್ಕರಣಾ ನೀತಿಯ ಘೋಷಣೆ ಮಾಡಲಿದೆಯಂತೆ. ಸರ್ಕಾರಿ ಸ್ವಾಮ್ಯದ ಮತ್ತು ಖಾಸಗಿ ರಂಗದ ಬ್ಯಾಂಕ್ಗಳು ಫೇಸ್ ಬುಕ್ ಮತ್ತು ಟ್ವಿಟರ್ ಅನ್ನು ಯಥೇಚ್ಛವಾಗಿ ಬಳಸಿಕೊಳ್ಳುತ್ತಿವೆ.
ಹೀಗಾಗಿ, ಆರ್ಬಿಐ ಕೂಡ ಹೆಚ್ಚುತ್ತಿರುವ ಸಾಮಾಜಿಕ ಜಾಲತಾಣಗಳ ಪ್ರಭಾವವನ್ನು ಸಮರ್ಪಕವಾಗಿ ಉಪಯೋಗಿಸಿಕೊಳ್ಳಲು ಮುಂದಾಗಿದೆ. ಇಷ್ಟು ಮಾತ್ರವಲ್ಲದೆ ಆರ್ಬಿಐನ ಪ್ರಮುಖ ಸಭೆಗಳು, ನಿರ್ಧಾರಗಳನ್ನು ಪ್ರಕಟಿಸುವ ಸುದ್ದಿಗೋಷ್ಠಿಗಳು, ಸಂದರ್ಶನಗಳನ್ನು ಮತ್ತು ಸಾರ್ವಜನಿಕರಿಗೆ ಮಾಹಿತಿ ನೀಡುವ ಎಲ್ಲ ಪ್ರಚಾರ ವಿಚಾರಗಳನ್ನು ಯೂಟ್ಯೂಬ್ಗೆ ಅಪ್ ಲೋಡ್ ಮಾಡಲಾಗುತ್ತದೆ.
Advertisement