ನಕಾರಾತ್ಮಕ ಮಾರುಕಟ್ಟೆ ಹಿನ್ನಲೆ; 71 ಅಂಕಗಳ ಕುಸಿತಕಂಡ ಸೆನ್ಸೆಕ್ಸ್

ಮುಂಬೈ: ಜಾಗತಿಕ ದುರ್ಬಲ ವಹಿವಾಟು ಪರಿಣಾಮ ಮುಂಬೈ ಷೇರುಮಾರುಕಟ್ಟೆ ಮೇಲೆ ನಕಾರಾತ್ಮಕ ಪರಿಣಾಮ ಬೀರಿದ್ದು, ಸೋಮವಾರ ಸೆನ್ಸೆಕ್ಸ್ 71 ಅಂಕಗಳ ಕುಸಿತ ಕಂಡಿದೆ.

ಮಾರುಕಟ್ಟೆ ಆರಂಭದಲ್ಲಿ ಸಕಾರತ್ಮಕ ವಹಿವಾಟು ಕಂಡಿದ್ದ ಮುಂಬೈ ಷೇರುಪೇಟು, ದುರ್ಬಲ ಜಾಗತಿಕ ವಹಿವಾಟಿನಿಂದಾಗಿ ಮಧ್ಯಾಹ್ನದ ವೇಳೆಗೆ ಕುಸಿತಕಂಡಿದೆ. ನಿಫ್ಟಿಯಲ್ಲಿಯೂ ಕೂಡ 20  ಅಂಕಗಳ ಕುಸಿತಕಂಡುಬಂದಿದೆ. ಇನ್ನು ನಾಳೆ ಭಾರತೀಯ ರಿಸರ್ವ್ ಬ್ಯಾಂಕ್ ತನ್ನ ನೀತಿ ಪರಾಮರ್ಶೆ ಮಾಡಲಿದ್ದು, ಹಣದುಬ್ಬರ ಪ್ರಮಾಣ ಕಡಿಮೆಯಾದ ಹಿನ್ನಲೆಯಲ್ಲಿ ದರ ಕಡಿತ  ಮಾಡುವ ಕುರಿತು ಆಶಾಭಾವ ವ್ಯಕ್ತವಾಗಿತ್ತು.

ಹೀಗಾಗಿ ಮಾರುಕಟ್ಟೆಯಲ್ಲಿ ಸಕಾರತ್ಮಕ ಬೆಳವಣಿಗೆ ನಿರೀಕ್ಷಿಸಲಾಗಿತ್ತು. ಆದರೆ ಜಾಗತಿಕ ಮಾರುಕಟ್ಟೆಯ ಹಿನ್ನಡೆಯಿಂದಾಗಿ ಷೇರುಮಾರುಕಟ್ಟೆ ಕುಸಿತಕಂಡಿದೆ ಎಂದು ತಜ್ಞರು  ಅಭಿಪ್ರಾಯಪಟ್ಟಿದ್ದಾರೆ.