ಬೆಂಗಳೂರಿನಲ್ಲಿ ೧೦೦೦೦ ಚದರಡಿಯ ಬೃಹತ್ ಮಳಿಗೆ ಪ್ರಾರಂಭಿಸಿದ ಬಾಟಾ

ಬೆಂಗಳೂರು: ಪಾದರಕ್ಷೆಗಳ ರೀಟೇಲ್ ಬ್ರ್ಯಾಂಡ್ ಬಾಟಾ ತನ್ನ ೧೧೦೧ನೇ ಮಳಿಗೆಯನ್ನು ಬೆಂಗಳೂರಿನಲ್ಲಿ ಪ್ರಾರಂಭಿಸಿದೆ. ಇದು ದಕ್ಷಿಣ ಭಾರತದಲ್ಲೇ ಬಾಟಾದ ಅತಿ ದೊಡ್ಡ ಮಳಿಗೆ.

ಬ್ರಿಗೇಡ್ ರಸ್ತೆಯಲ್ಲಿ ಪ್ರಾರಂಭವಾದ ಈ ಮಳಿಗೆಯನ್ನು ಬುಧವಾರ ಬಾಲಿವುಡ್ ನಟಿ ಹುಮಾ ಖುರೇಶಿ, ಬಾಟಾ ಸಿಇಒ ಅಲೆಕ್ಸಿಸ್ ನಾಸರ್ದ್ ಮತ್ತು ಬಾಟಾ ದಕ್ಷಿಣ ಏಶಿಯಾದ ವ್ಯವಸ್ಥಾಪಕ ನಿರ್ದೇಶಕ ರಾಜೀವ್ ಗೋಪಾಲಕೃಷ್ಣನ್ ಉದ್ಘಾಟಿಸಿದ್ದಾರೆ.

೧೦೦೦೦ ಚದರಡಿಯಲ್ಲಿ ಹರಡಿರುವ ಈ ಬೃಹತ್ ಮಳಿಗೆಯಲ್ಲಿ, ಒಂದೆ ಸೂರಿನೆಡೆ ೨೦೦೦ ವಿನ್ಯಾಸದ ಬಾಟಾ ಉತ್ಪನ್ನಗಳ ಪ್ರದರ್ಶನ ಮತ್ತು ಮಾರಾಟ ಮಾಡಲಾಗುತ್ತಿದೆ. ಇತ್ತೀಚಿನ ವಿನ್ಯಾಸದ ಹಲವಾರು ಉತ್ಪನ್ನಗಳು ಈ ಮಳಿಗೆಯಲ್ಲಿ ಲಭ್ಯವಿವೆ.

"ಬಾಟಾದ ಈ ಬೃಹತ್ ಮಳಿಗೆ ಉದ್ಘಾಟನೆ ಮಾಡಲು ಬಹಳ ಸಂತಸವಾಗುತ್ತಿದೆ. ಬಾಟಾದ ಇತ್ತೀಚಿನ ವಿನ್ಯಾಸದ ಉತ್ಪನ್ನಗಳು ನನಗೆ ಆಪ್ತವೆನಿಸಿವೆ" ಎಂದು ನಟಿ ಹುಮಾ ಹೇಳಿದ್ದಾರೆ.