ಕಳೆದ ಫೆಬ್ರವರಿಯಲ್ಲಿ ಆರ್ಥಿಕ ಸಮೀಕ್ಷೆಯ ಮೊದಲ ಸಂಪುಟದಲ್ಲಿ ದೇಶದ ಒಟ್ಟಾರೆ ಸರಾಸರಿ ಆರ್ಥಿಕ ಪ್ರಗತಿ ಶೇಕಡಾ 6.75ರಿಂದ ಶೇಕಡಾ 7.5ರಷ್ಟು ಎಂದು ಊಹಿಸಲಾಗಿತ್ತು. ಆದರೆ ನಂತರ ರೂಪಾಯಿ ಮೌಲ್ಯದಲ್ಲಿ ಏರಿಕೆ, ಕೃಷಿ ಸಾಲ ಮನ್ನಾ, ಇಂಧನ, ಟೆಲಿಕಾಂ, ಕೃಷಿ ವಲಯಗಳಲ್ಲಿ ಹೆಚ್ಚಿದ ಒತ್ತಡ, ಜಿಎಸ್ ಟಿ ಜಾರಿಯಿಂದ ಪರಿವರ್ತನಾ ಸವಾಲುಗಳಿಂದಾಗಿ ಆರ್ಥಿಕತೆಗೆ ನಿಜವಾದ ಸವಾಲುಗಳು ಎದುರಾದವು. ಕಳೆದ ಫೆಬ್ರವರಿಯಿಂದ ರೂಪಾಯಿ ಬೆಲೆಯಲ್ಲಿ ಶೇಕಡಾ 1.5 ರಷ್ಟು ಹೆಚ್ಚಳವಾಗಿದೆ.
