ಸದ್ಯಕ್ಕೆ ಏರ್ ಇಂಡಿಯಾ ಪಾಲು ಮಾರಾಟದ ಪ್ರಯತ್ನ ಕೈಬಿಟ್ಟ ಕೇಂದ್ರ ಸರ್ಕಾರ

ನವದೆಹಲಿ:ಚುನಾವಣಾ ವರ್ಷದಲ್ಲಿ ಏರ್ ಇಂಡಿಯಾ ಪಾಲು ಮಾರಾಟದ ಪ್ರಯತ್ನವನ್ನು ಕೇಂದ್ರಸರ್ಕಾರ ಕೈ ಬಿಟ್ಟಿದೆ.   ಅದರ ಕಾರ್ಯಾಚರಣೆಗೆ ಅಗತ್ಯವಾದ ಹಣವನ್ನು ಒದಗಿಸಲಾಗುವುದೆಂದು   ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಸಾಲ ಹೊತ್ತಿರುವ  ಏರ್ ಇಂಡಿಯಾ ಪ್ರಸ್ತಾವಿತ  ಶೇ. 76 ರಷ್ಟು  ಪಾಲನ್ನು ಮಾರಾಟ  ಮಾಡುವಲ್ಲಿ ಯಾವುದೇ  ಬಿಡ್ಡ್ ದಾರರನ್ನು ಆಕರ್ಷಿಸುವಲ್ಲಿ  ವಿಫಲವಾದ   3 ವಾರಗಳ ಬಳಿಕ ಈ ನಿರ್ಧಾರ ಹೊರಬಿದ್ದಿದೆ.

ಏರ್ ಇಂಡಿಯಾ ಶೀಘ್ರದಲ್ಲೇ ಸರ್ಕಾರದಿಂದ  ಪ್ರತಿದಿನ ಕಾರ್ಯಾಚರಣೆ ನಿಧಿಯನ್ನು ಪಡೆಯಲಿದೆ ಮತ್ತು ಕೆಲವು ವಿಮಾನಗಳಿಗೆ ಬೇಡಿಕೆ ಸಲ್ಲಿಸಲಿದೆ ಎಂದು ಸರಕಾರಿ ಅಧಿಕಾರಿಗಳು ತಿಳಿಸಿದ್ದಾರೆ.