ಮೈಸೂರು ಮೂಲದ ಸೈಕಲ್ ಪ್ಯೂರ್ ಅಗರ್ ಬತ್ತಿ ಸಂಸ್ಥೆಗೆ ವಿಶ್ವದ ಮೊದಲ, ಏಕೈಕ ʻಶೂನ್ಯ ಕಾರ್ಬನ್ʼ ಕಂಪೆನಿ ಪಟ್ಟ
ಕರ್ನಾಟಕ ಮೂಲದ ಸೈಕಲ್ ಪ್ಯೂರ್ ಅಗರ್ ಬತ್ತಿ ಸಂಸ್ಥೆ ಜಾಗತಿಗ ಮಟ್ಟದ ಕೀರ್ತಿ ಪಡೆದಿದ್ದು, ಗೃಹ ಆರಾಧನೆ ವಿಭಾಗದಲ್ಲಿ ವಿಶ್ವದ ಮೊದಲ, ಏಕೈಕ ʻಶೂನ್ಯ ಕಾರ್ಬನ್ʼ (ಜೀರೋ ಕಾರ್ಬನ್) ಪ್ರಮಾಣಪತ್ರ ಪಡೆದ ಸಂಸ್ಥೆ ಎಂಬ ಕೀರ್ತಿಗೆ ಭಾಜನವಾಗಿದೆ.
Published: 07th June 2021 12:57 AM | Last Updated: 07th June 2021 01:06 PM | A+A A-
ಸೈಕಲ್ ಪ್ಯೂರ್ ಅಗರ್ ಬತ್ತಿ
ಮೈಸೂರು: ಕರ್ನಾಟಕ ಮೂಲದ ಸೈಕಲ್ ಪ್ಯೂರ್ ಅಗರ್ ಬತ್ತಿ ಸಂಸ್ಥೆ ಜಾಗತಿಗ ಮಟ್ಟದ ಕೀರ್ತಿ ಪಡೆದಿದ್ದು, ಗೃಹ ಆರಾಧನೆ ವಿಭಾಗದಲ್ಲಿ ವಿಶ್ವದ ಮೊದಲ, ಏಕೈಕ ʻಶೂನ್ಯ ಕಾರ್ಬನ್ʼ (ಜೀರೋ ಕಾರ್ಬನ್) ಪ್ರಮಾಣಪತ್ರ ಪಡೆದ ಸಂಸ್ಥೆ ಎಂಬ ಕೀರ್ತಿಗೆ ಭಾಜನವಾಗಿದೆ.
ಹೌದು.. ಈ ಕುರಿತಂತೆ ಮೈಸೂರಿನ 'ಸ್ಟಾರ್ ಆಫ್ ಮೈಸೂರು' ಪತ್ರಿಕೆ ವರದಿ ಮಾಡಿದ್ದು, ಮೈಸೂರು ನಗರದಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ ಸೈಕಲ್ ಪ್ಯೂರ್ ಅಗರಬತ್ತಿ ಸಂಸ್ಥೆಯು ಗೃಹ ಆರಾಧನೆ ವಿಭಾಗದಲ್ಲಿ ವಿಶ್ವದಲ್ಲೇ ʻಶೂನ್ಯ ಕಾರ್ಬನ್ʼ (ಜೀರೋ ಕಾರ್ಬನ್) ಪ್ರಮಾಣಪತ್ರಕ್ಕೆ ಭಾಜನವಾಗಿದ್ದು, ಇದು ಹೆಮ್ಮೆಯ ವಿಚಾರ ಎಂದು ಕಂಪೆನಿ ತಿಳಿಸಿದೆ ಎಂದು ಹೇಳಲಾಗಿದೆ.
ಇದನ್ನೂ ಓದಿ: ಜೂನ್ 5 ವಿಶ್ವ ಪರಿಸರ ದಿನ: 'ಪರಿಸರ ವ್ಯವಸ್ಥೆ, ಪುನರ್ ಸ್ಥಾಪನೆ' ಈ ವರ್ಷದ ಧ್ಯೇಯವಾಕ್ಯ
ಕಂಪೆನಿಯ ವ್ಯವಸ್ಥಾಪಕ ನಿರ್ದೇಶಕ ಅರ್ಜುನ್ ರಂಗ ಮಾತನಾಡಿ, ಮುಂದಿನ ಪೀಳಿಗೆಗೆ ಭರವಸೆ ನೀಡುವುದೇ ನಮ್ಮ ಕಂಪೆನಿಯ ಉದ್ದೇಶವಾಗಿದೆ. ಪ್ರಾರ್ಥನೆ ಭವಿಷ್ಯ ಭರವಸೆಯ ವಿಧಾನ. ಆಧುನಿಕ ಜಗತ್ತಿಗೆ ಹವಾಮಾನ ಬದಲಾವಣೆ ದೊಡ್ಡ ಕಂಟಕವಾಗಿದೆ. ಮುಂದಿನ ಪೀಳಿಗೆಗೆ ಆರೋಗ್ಯಕರ ಪರಿಸರವನ್ನು ಒದಗಿಸುವುದು ನಮ್ಮ ಜವಾಬ್ದಾರಿಯಾಗಿದೆ. ಹೀಗಾಗಿ, ನಮ್ಮ ಕಂಪೆನಿಯು ʻಶೂನ್ಯ ಕಾರ್ಬನ್ʼ ಆಶಯದಲ್ಲಿ ಉತ್ಪಾದನಾ ಕಾರ್ಯ ಮಾಡುತ್ತಿದೆ. ಭೂಮಾತೆಯ ಭವಿಷ್ಯಕ್ಕಾಗಿ ನಾವು ಬದ್ಧರಾಗಿದ್ದೇವೆ. ಭವಿಷ್ಯಕ್ಕಾಗಿ ಹವಾಮಾನ ಬದಲಾವಣೆ ವಿರುದ್ಧ ಹೋರಾಡಲು ಎಲ್ಲರೂ ನಮ್ಮೊಂದಿಗೆ ಕೈಜೋಡಿಸಲು ಪಣ ತೊಡಬೇಕು ಎಂದು ಹೇಳಿದ್ದಾರೆ.
ಪರಿಸರ ಪೂರಕವಾದ ಕಂಪೆನಿಯ ಕಾರ್ಯವನ್ನು ಬ್ರಿಟನ್‌ ನ್ಯಾಚುರಲ್‌ ಕ್ಯಾಪಿಟಲ್‌ ಪಾರ್ಟ್ನರ್ಸ್‌ ಗುರುತಿಸಿದ್ದು, ಇದು ವಿಶ್ವದಾದ್ಯಂತ ವ್ಯಾಪಕವಾಗಿ ತಿಳಿದಿರುವ ಇಂಗಾಲದ ಆಫ್‌ಸೆಟ್ ಮತ್ತು ಸುಸ್ಥಿರತೆ ಪರಿಹಾರ ಒದಗಿಸುವ ಸ್ವಯಂಪ್ರೇರಿತ ಸಂಸ್ಥೆಯಾಗಿದೆ.
ಕಂಪೆನಿಯು ʻಶೂನ್ಯ ಕಾರ್ಬನ್ʼ ಸಾಧಿಸಲು ಅನೇಕ ಸಮರ್ಥನೀಯ ಉಪಕ್ರಮಗಳಲ್ಲಿ ತೊಡಗಿಸಿಕೊಂಡಿದ್ದು, ತಮಿಳುನಾಡಿನ ಆಂಡಿಪಟ್ಟಿ ಮತ್ತು ಥೇನಿ ವಿಂಡ್ ಪವರ್ ಯೋಜನೆಗಳು ಶೂನ್ಯ ಪ್ರಮಾಣದ ಇಂಗಾಲ ಹೊರಸೂಸುವಿಕೆಗೆ ನಿದರ್ಶನವಾಗಿದೆ. ಈ ಯೋಜನೆಗಳು ವಿಸಿಎಸ್‌ (Verified Carbon Standard)ನಿಂದ ಪರಿಶೀಲಿಸಲ್ಪಟ್ಟಿದ್ದು, ಅಲ್ಲದೇ, ಸಿಡಿಎಂನಿಂದ ನೋಂದಣಿಯಾಗಿದೆ.
ಬ್ರ್ಯಾಂಡ್ ತನ್ನ ಗ್ರೀನ್ ಹೌಸ್ ಗ್ಯಾಸ್ (ಜಿಹೆಚ್ ಜಿ) ಹೊರಸೂಸುವಿಕೆಯನ್ನು ಅಳೆತೆ ಮಾಡಿದ್ದು, ಆಂತರಿಕ ಬದಲಾವಣೆಗಳ ಮೂಲಕ ಮತ್ತು ಕಾರ್ಬನ್ ನ್ಯೂಟ್ರಲ್ ಪ್ರೊಟೊಕಾಲ್ ಸಂಬಂಧಿತ ಅವಶ್ಯಕತೆಗಳಿಗೆ ಅನುಗುಣವಾಗಿ ಬಾಹ್ಯವಾಗಿ ಇಂಗಾಲದ ಆಫ್‌ಸೆಟ್ ಮಾಡುವ ಮೂಲಕ ಅವುಗಳ ಇಂಗಾಲ ಹೊರಸೂಸುವಿಕೆಯನ್ನು ನಿವ್ವಳ ಶೂನ್ಯಕ್ಕೆ ಇಳಿಸಿತು. ಇದರಿಂದ ಕಳೆದ ಎಂಟು ವರ್ಷಗಳಲ್ಲಿ ಕಂಪನಿಯು 11.040 ಟನ್ ಕಾರ್ಬನ್ ಡೈಆಕ್ಸೈಡ್ ಇಂಗಾಲದ ಡೈ ಆಕ್ಸೈಡ್ ಈಕ್ವಿವಾಲೆಂಟ್ (ಸಿಒ 2 ಇ) ಹೊರ ಸೂಸುವಿಕೆಯನ್ನು ಕಡಿಮೆ ಮಾಡಿದೆ.
ಇದನ್ನೂ ಓದಿ: ಮೌಂಟ್ ಎವರೆಸ್ಟ್ ಶಿಖರದ ತುತ್ತ ತುದಿಯಲ್ಲಿ ಚೀನಾದಿಂದ ಪ್ರತ್ಯೇಕತಾ ರೇಖೆ!
ಪ್ರಮಾಣೀಕರಣದ ಬಗ್ಗೆ ಮಾತನಾಡಿದ ಸೈಕಲ್ ಶುದ್ಧ ಅಗರಬತಿ ವ್ಯವಸ್ಥಾಪಕ ನಿರ್ದೇಶಕ ಅರ್ಜುನ್ ರಂಗಾ ಅವರು, ಇಂದು, ಹವಾಮಾನ ವೈಪರೀತ್ಯವು ನಮ್ಮ ಕಣ್ಣಮುಂದೆಯೇ ಇದೆ. ನಮ್ಮ ಮುಂದಿನ ಪೀಳಿಗೆಗೆ ಆರೋಗ್ಯಕರ ವಾತಾವರಣವನ್ನು ಒದಗಿಸುವುದು ನಮ್ಮ ಜವಾಬ್ದಾರಿಯಾಗಿದೆ. ಶೂನ್ಯ-ಇಂಗಾಲದ ತಯಾರಿಕೆ ಆಯ್ಕೆ ಮಾಡುವ ಮೂಲಕ, ನಾವು ಮಾತೃ ಭೂಮಿಯ ಭವಿಷ್ಯಕ್ಕೆ ಬದ್ಧರಾಗಿದ್ದೇವೆ ಎಂದು ಹೇಳಿದ್ದಾರೆ.
ದಿ ಕಾರ್ಬನ್ ಕನ್ಸಲ್ಟಿಂಗ್ ಕಂಪನಿಯ ನೆರವಿನೊಂದಿಗೆ ಎನ್ಆರ್ ಗ್ರೂಪ್ 2014 ರಿಂದ ಇಂಗಾಲದ ತಟಸ್ಥತೆಯತ್ತ ತನ್ನ ಪ್ರಯಾಣವನ್ನು ಪ್ರಾರಂಭಿಸಿತ್ತು. ಆಂಡಿಪಟ್ಟಿ ವಿಂಡ್ ಪವರ್ 2015 ರಿಂದ 9,753 ಟನ್, ವೆಸ್ಟ್ ಇಂಡಿಯಾ ವಿಂಡ್ ಪವರ್ ಪ್ರಾಜೆಕ್ಟ್ 2016 ರಿಂದ 9,733 ಟನ್, 9,741 ಟನ್ ಹರಪನಹಳ್ಳಿ ವಿಂಡ್ ಪವರ್ 2017 ಮತ್ತು 2018 ರಲ್ಲಿ 8,741 ಟನ್, ಆಂಧ್ರಪ್ರದೇಶದಲ್ಲಿ 10,585 ಟನ್ ಕಾರ್ಬನ್ ಹೊರಸೂಸುವಿಕೆಯನ್ನು ಕಡಿತಗೊಳಿಸಿದೆ. ರಾಜಸ್ಥಾನ, ಕರ್ನಾಟಕ ರಾಜ್ಯ ಸೌರಶಕ್ತಿ 2019 ಮತ್ತು ತೆಲಂಗಾಣ, ಮಹಾರಾಷ್ಟ್ರ ಸೋಲಾರ್ ಪವರ್ 2020ರ ಯೋಜನೆಯಿಂದ 11,040 ಟನ್ ಇಂಗಾಲ ಹೊರ ಸೂಸುವಿಕೆಯನ್ನು ತಡೆದಿದೆ.
