ಪ್ರಾವಿಡೆಂಟ್ ಫಂಡ್ ಚಂದಾದಾರರಿಗೆ ಸಿಹಿ ಸುದ್ದಿ​: 8.5% ಬಡ್ಡಿ ನೀಡಲು ಕೇಂದ್ರದ ಅನುಮೋದನೆ

ನವದೆಹಲಿ: 2020-21ರ ಉದ್ಯೋಗಿಗಳ ಭವಿಷ್ಯ ನಿಧಿಯ ಮೇಲೆ ಕೇಂದ್ರ ಸರ್ಕಾರ 8.5% ಬಡ್ಡಿ ನೀಡಲು ಅಂತಿಮವಾಗಿ ಅನುಮೋದನೆ ನೀಡಿದೆ.

ಕೇಂದ್ರದ ಈ ಕ್ರಮ ದೀಪಾವಳಿಗೆ ಮುಂಚಿತವಾಗಿ ಪಿಎಫ್ ಚಂದಾದಾರರ ಮುಖದಲ್ಲಿ ಸಂತಸ ಉಂಟುಮಾಡಿದೆ. ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್‌ಒ) 2020-21ರ ಬಡ್ಡಿಯನ್ನು 60 ಮಿಲಿಯನ್ ಚಂದಾದಾರರ ಖಾತೆಗಳಿಗೆ ಜಮಾ ಮಾಡಲು ತಯಾರಿ ನಡೆಸಿದೆ ಎಂದು ಈ ಹಿಂದೆ ವರದಿಯಾಗಿತ್ತು.

ಈ ವರ್ಷದ ಮಾರ್ಚ್‌ನಲ್ಲಿ 2020-21ಕ್ಕೆ ಘೋಷಿಸಲಾದ 8.5% ಬಡ್ಡಿ ದರವು ಈಗ ಆರು ತಿಂಗಳಿನಿಂದ ಹಣಕಾಸು ಸಚಿವಾಲಯದ ಅನುಮೋದನೆಗಾಗಿ ಕಾಯುತ್ತಿತ್ತು.