ಮಾದಕ ಚೆಲುವಿನ ಒಡತಿ ಅಮಲಾ ಪೌಲ್ ಕೊನೆಗೂ ಬೇಸರದಿಂದ ಹೊರಬಂದಿದ್ದಾಳೆ. ಅಷ್ಟಕ್ಕೂ ಅವಳಿಗೆ ಆಗಿದ್ದ ಬೇಸರ ಏನೆಂದರೆ ಧನುಷ್ ಜತೆ '3' ಚಿತ್ರದಲ್ಲಿ ನಟಿಸುವ ಅವಕಾಶ ತಪ್ಪಿಹೋಯಿತು ಎನ್ನುವುದು. ಡೇಟ್ಸ್ ಸಮಸ್ಯೆಯಿಂದ '3' ಆಫರ್ ಒಪ್ಪಿಕೊಳ್ಳಲು ಅಮಲಾಗೆ ಸಾಧ್ಯವಾಗಿರಲಿಲ್ಲ. ಧನುಷ್ ಮುಂದಿನ ಸಿನಿಮಾ 'ಎಥಿರ್ ನೀಚಲ್‌'ನಲ್ಲಿ ಅಮಲಾ ನಾಯಕಿ. ಛಾಯಾಗ್ರಾಹಕ ವೇಲ್‌ರಾಜ್ ಈ ಚಿತ್ರವನ್ನು ನಿರ್ದೇಶಿಸಲಿದ್ದಾರೆ. ಈ ಕುರಿತು ಟ್ವೀಟಿಸಿರುವ ಅಮಲಾ, 'ಧನುಷ್ ಜತೆ ನಟಿಸುತ್ತಿರುವುದಕ್ಕೆ ಎಷ್ಟು ಸಂತೋಷವಾಗಿದೆ ಎಂದರೆ ಅದನ್ನು ತಾಳಿಕೊಳ್ಳಲು ನನ್ನಿಂದ ಆಗುತ್ತಿಲ್ಲ' ಎಂದಿದ್ದಾಳೆ. ಆಗಸ್ಟ್‌ನಲ್ಲಿ ಚಿತ್ರೀಕರಣ ಶುರುವಾಗಲಿದೆ. ತನ್ನದು ಚೆನ್ನೈನ ಸಂಪ್ರದಾಯಸ್ಥ ಹುಡುಗಿ ಪಾತ್ರ. ಇದೊಂದು ಫ್ಯಾಮಿಲಿ ಎಂಟರ್‌ಟೇನ್‌ಮೆಂಟ್ ಸಿನಿಮಾ ಎಂದು ವಿವರವನ್ನೂ ಒದಗಿಸಿದ್ದಾಳೆ ಸುಂದರಿ.
