ಬಾಕ್ಸಾಫೀಸ್ ಚಿಂದಿ ಉಡಾಯಿಸುವ 'ಮಸಾಲಾ' ಚಿತ್ರಗಳೆಂದರೆ ಆಮೀರ್ಖಾನ್ ಪತ್ನಿ ಕಿರಣ್ ರಾವ್ಗೆ ಅಲರ್ಜಿ. ಅಂಥ ಚಿತ್ರಗಳ ನಿರ್ದೇಶನದ ಮಾತಿರಲಿ, ಆ ಥರದ ಚಿತ್ರಗಳಿಗೆ ಕಥೆ ಅಥವಾ ಸಂಭಾಷಣೆ ಬರೆಯುವುದೂ ತನ್ನಿಂದ ಸಾಧ್ಯವಿಲ್ಲ ಎಂದಿದ್ದಾಳೆ ಕಿರಣ್. ತನಗೆ ಖುಷಿ ಕೊಡುವ ಮತ್ತು ಪ್ರೇಕ್ಷಕರಲ್ಲಿ ಬಹುಕಾಲ ನೆನಪಿನಲ್ಲಿ ಇಟ್ಟುಕೊಳ್ಳುವಂಥ ಸಿನಿಮಾ ಮಾಡುವುದರಲ್ಲಿಯೇ ಆಕೆಗೆ ಖುಷಿಯಂತೆ. 2011ರ ಯಶಸ್ವಿ ಚಿತ್ರಗಳಲ್ಲಿ ಒಂದಾಗಿದ್ದ 'ದೋಬಿಘಾಟ್' ನಂತರ ಕಿರಣ್ ಸುದ್ದಿಯಲ್ಲಿ ಇರಲಿಲ್ಲ. ಸದ್ಯ ಆಕೆ ಹೊಸ ಚಿತ್ರದ ಸ್ಕ್ರಿಪ್ಟ್ ಬರೆಯುವುದರಲ್ಲಿ ಬ್ಯುಸಿ.
