ಕ್ರಿಕೆಟರ್ ವಿರಾಟ್ ಕೊಹ್ಲಿ ಜೊತೆ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಮದುವೆಯಾಗಲಿದ್ದಾರೆ ಎಂಬ ವದಂತಿಯನ್ನು ನಟಿ ಪರವಾಗಿ ನೀಡಿರುವ ಹೇಳಿಕೆಯಲ್ಲಿ ತಳ್ಳಿಹಾಕಲಾಗಿದೆ.
"ಅನುಷ್ಕಾ ಶರ್ಮಾ ಮದುವೆಯಾಗುತ್ತಿರುವ ಕಥೆಗಳು/ವದಂತಿಗಳಲ್ಲಿ ಸ್ವಲ್ಪವೂ ಹುರುಳಿಲ್ಲ. ಸದ್ಯಕ್ಕೆ ಅವರು ಅವರ ಕೆಲಸದಲ್ಲಿ ನಿರತರಾಗಿದ್ದಾರೆ. ಅವರು ತಮ್ಮ ಜೀವನದಲ್ಲಿ ಯಾವತ್ತೂ ಮುಕ್ತವಾಗಿದ್ದಾರೆ ಆದುದರಿಂದ ಅವರೇ ಹೇಳಿಕೆ ನೀಡುವವರೆಗೆ ಯಾವುದೇ ಊಹೆ ಮಾಡದೆ ಕಾಯಬೇಕಾಗಿ ವಿನಂತಿಸಿಕೊಳ್ಳುತ್ತಿದ್ದೇವೆ" ಎಂದು ಹೇಳಿಕೆ ತಿಳಿಸಿದೆ.
ಅನುಷ್ಕಾ ಅವರ ತಂದೆ ಮತ್ತು ವಿರಾಟ್ ಜೊತೆ ಮನೆ ಹುಡುಕುತ್ತಿರುವುದು ಕಂಡು ಬಂದ ನಂತರ ಮಿಡ್ ಡೇ ಪತ್ರಿಕೆಯ ಒಂದು ಮೂಲದಂತೆ "ಅನುಷ್ಕಾ ಮತ್ತು ವಿರಾಟ್ ತಮ್ಮ ಸಂಬಂಧದ ಬಗ್ಗೆ ಮುಕ್ತವಾಗಿದ್ದರೆ ಮತ್ತು ಅವರ ಕುಟುಂಬಗಳು ಭೇಟಿಯಾಗಿ ಅವರ ಮದುವೆ ಬಗ್ಗೆ ಚರ್ಚಿಸಲಿವೆ. ಮತ್ತು ಮುಂದಿನ ವರ್ಷ ಮದುವೆಯಾಗುವ ಎಲ್ಲಾ ಸೂಚನೆಗಳಿವೆ" ಎಂದು ತಿಳಿದುಬಂದಿತ್ತು.
ನಟಿ ಅನುಷ್ಕಾ ಖಾಸಗಿ ವಿಚಾರಗಳಿಗೆ ಗೌರವ ನೀಡುವಂತೆ ಎಲ್ಲರಲ್ಲೂ ಮನವಿ ಮಾಡಿದ್ದಾರೆ.
