ಒಲಿಂಪಿಕ್ ಅಥ್ಲೀಟ್ ಗಳಿಗೆ ತಲಾ 1 ಲಕ್ಷದ 1 ಸಾವಿರ ರೂಪಾಯಿ ಬಹುಮಾನ ನೀಡಲಿರುವ ಸಲ್ಮಾನ್ ಖಾನ್

ಮುಂಬೈ: ಬಾಲಿವುಡ್ ನಟ ಸಲ್ಮಾನ್ ಖಾನ್ ಈ ವರ್ಷದ ರಿಯೊ ಒಲಿಂಪಿಕ್ಸ್ ಗೆ ಭಾರತದ ಸದ್ಭಾವನಾ ರಾಯಭಾರಿಯಾಗಿ ನೇಮಕಗೊಂಡಾಗ ಟೀಕಿಸಿದವರೇ ಅಧಿಕ ಮಂದಿ. ಅವರನ್ನೇಕೆ ರಾಯಭಾರಿ ಮಾಡಿದ್ದು, ಬೇರಾರು ಸಿಗಲಿಲ್ಲವೇ ಎಂದು ಪ್ರತಿಕ್ರಿಯಿಸಿದ್ದರು. 

ಆದರೆ ಇದೀಗ ಒಲಿಂಪಿಕ್ಸ್ ನಲ್ಲಿ ಭಾಗವಹಿಸಿದ ಎಲ್ಲಾ ಕ್ರೀಡಾಪಟುಗಳಿಗೆ ತಲಾ ಒಂದು ಲಕ್ಷ ರೂಪಾಯಿ ನೀಡುವ ಮೂಲಕ ಎಲ್ಲಾ ಟೀಕಾಕಾರರು ಸುಮ್ಮನಾಗುವಂತೆ ಮಾಡಿದ್ದಾರೆ.

''ಒಲಿಂಪಿಕ್ಸ್ ನಲ್ಲಿ ಭಾಗವಹಿಸಿದ ಎಲ್ಲಾ ಅಥ್ಲೀಟ್ ಗಳಿಗೆ ಪ್ರೋತ್ಸಾಹಕ, ಶ್ಲಾಘನೆಯ ಸೂಚಕವಾಗಿ ನಾನು ಪ್ರತಿಯೊಬ್ಬರಿಗೂ 1 ಲಕ್ಷದ 1 ಸಾವಿರ ರೂಪಾಯಿ ಚೆಕ್ ನೀಡುತ್ತೇನೆ'' ಎಂದು ಟ್ವೀಟ್ ಮಾಡಿದ್ದಾರೆ.

ಕ್ರೀಡೆಯನ್ನು ಪ್ರೋತ್ಸಾಹಿಸಲು ಸರ್ಕಾರ ಕ್ರೀಡೆಗೆ ಉತ್ತಮ ಪ್ರೋತ್ಸಾಹ ನೀಡುತ್ತಿದೆ. ಅದರ ಜೊತೆಗೆ ಪ್ರತಿಯೊಬ್ಬ ಭಾರತೀಯರು ತಮ್ಮ ಕೈಲಾದ ಸಣ್ಣ ಪ್ರೋತ್ಸಾಹವನ್ನಾದರೂ ಮಾಡಬೇಕು. ಭವಿಷ್ಯದ ಚಾಂಪಿಯನ್ನರನ್ನು ರೂಪಿಸುವಲ್ಲಿ ಒಲಿಂಪಿಕ್ ಗೋಲ್ಡ್ ಕ್ವೆಸ್ಟ್(ಒಜಿಕ್ಯು) ಮಾಡುತ್ತಿರುವ ಕೆಲಸವನ್ನು ಶ್ಲಾಘಿಸುತ್ತೇನೆ ಎಂದು 50 ವರ್ಷದ ಬಾಲಿವುಡ್ ಸೂಪರ್ ಸ್ಟಾರ್ ಹೇಳಿದ್ದಾರೆ.