ಮುಂಬೈ: ಬಾಲಿವುಡ್ ಬೆಡಗಿ ಕತ್ರಿನಾ ಕೈಫ್ ವೃತ್ತಿಪರೆ ಕೂಡ ಹೌದು. ಆದಿತ್ಯ ರಾಯ್ ಕಪೂರ್ ಮತ್ತು ತಬು ಜೊತೆ ನಟಿಸಿರುವ ಬಹುನಿರೀಕ್ಷಿತ ಕತ್ರಿನಾಳ ಚಿತ್ರ ಫಿತೂರ್ ನಾಳೆ ತೆರೆಗೆ ಬರುತ್ತಿದೆ.
ಈ ಸಂದರ್ಭದಲ್ಲಿ ಚಿತ್ರದ ಪ್ರಮೋಶನ್ ನಲ್ಲಿ ಬ್ಯುಸಿಯಾಗಿರುವ ಕತ್ರಿನಾ ಈ ವರ್ಷದ ಆರಂಭಕ್ಕೆ ಹೆಚ್ಚು ಸುದ್ದಿಯಾಗಿದ್ದು ರಣಬೀರ್ ಕಪೂರ್ ನೊಂದಿಗೆ ಸಂಬಂಧ ಮುರಿದು ಬಿದ್ದ ವಿಷಯಕ್ಕೆ. ಮೊನ್ನೆ ಮಿಡ್ ಡೇ ಪತ್ರಿಕೆಯ ಸಂದರ್ಶಕರು ಪ್ರಶ್ಮೆ ಕೇಳಿದರಂತೆ, ಲಿವ್ ಇನ್ ರಿಲೇಶನ್ ಶಿಪ್, ರಣಬೀರ್ ನೊಂದಿಗೆ ಲಿವ್ ಇನ್ ಸಂಬಂಧದ ಅನುಭವದ ಬಗ್ಗೆ ನಿಮ್ಮ ಅಭಿಪ್ರಾಯವೇನು' ಎಂದು. ಅದಕ್ಕೆ ಕತ್ರಿನಾ ಬಹಳ ಕಾವ್ಯಾತ್ಮಕವಾಗಿ ಉತ್ತರ ನೀಡಿದ್ದಾಳೆ.
''ಯಾರ ಪ್ರಕಾರ? ನಾನು ಯಾವತ್ತೂ ನನ್ನ ಖಾಸಗಿ ಜೀವನದ ಬಗ್ಗೆ ಮಾತನಾಡುವುದಿಲ್ಲ. ಬೆಕ್ಕು-ಇಲಿ ಆಟವನ್ನು ನಾನು ಯಾವತ್ತೂ ಆಡುವುದಿಲ್ಲ. ನಾನು ನನ್ನ ಖಾಸಗಿತನವನ್ನು ಕಾಪಾಡಲು ಪ್ರಯತ್ನಿಸುತ್ತೇನೆ. ನನ್ನ ಜೀವನದಲ್ಲಿ ಸುಖ-ದುಃಖ ಎರಡನ್ನೂ ನೋಡಿದ್ದೇನೆ. ಸೋಲು-ಗೆಲುವುಗಳನ್ನು ಸಮತೋಲನವಾಗಿ ಸ್ವೀಕರಿಸಿ ಮುಂದೆ ಸಾಗುವುದೇ ಜೀವನ ಎಂದು ಹೇಳಿದ್ದಾಳೆ.
Advertisement