3 ಈಡಿಯೆಟ್ಸ್ ಚಿತ್ರದ ಸೀಕ್ವೆಲ್ ಬಗ್ಗೆ ಸುಳಿವು ನೀಡಿದ ಅಮೀರ್ ಖಾನ್

ಮುಂಬೈ: 2009 ರಲ್ಲಿ ಸೂಪರ್ ಹಿಟ್ ಆಗಿದ್ದ 3 ಈಡಿಯೆಟ್ಸ್ ಚಿತ್ರದ ಸೀಕ್ವೆಲ್ ತೆರೆಗೆ ಬರುವುದರ ಬಗ್ಗೆ ಅಮೀರ್ ಖಾನ್ ಸುಳಿವು ನೀಡಿದ್ದಾರೆ.

ರಂಗ್ ದೇ ಬಸಂತಿ ಚಿತ್ರದ 10 ನೇ ವಾರ್ಷಿಕೋತ್ಸವ ಆಚರಣೆ ನಡೆಯಲಿರುವ ಬಗ್ಗೆ ನಡೆದ ಪತ್ರಿಕಾಗೋಷ್ಠಿಯಲ್ಲಿ ತ್ರಿ ಈಡಿಯೆಟ್ಸ್ ಚಿತ್ರದ ಬಗ್ಗೆಯೂ ಮಾತನಾಡಿರುವ ಅಮೀರ್ ಖಾನ್, 3 ಈಡಿಯೆಟ್ಸ್ ಚಿತ್ರದ ಸೀಕ್ವೆಲ್ ಸಾಧ್ಯವಿದೆ ಎಂದು ಹೇಳಿದ್ದಾರೆ.

ಸೀಕ್ವೆಲ್ ಸಾಧ್ಯತೆಯನ್ನು ಎಲ್ಲಿಯೂ ಬ್ರೇಕಿಂಗ್ ನ್ಯೂಸ್ ಮಾಡಬೇಡಿ ಎಂದು ಮಾಧ್ಯಮಗಳಿಗೆ ಮನವಿ ಮಾಡಿದ್ದಾರೆ. 3 ಈಡಿಯೆಟ್ಸ್ ನಿರ್ದೇಶಕ ರಾಜ್ ಕುಮಾರ್ ಹಿರಾನಿ ಸಹ ಈ ಹಿಂದೆ ಚಿತ್ರದ ಸೀಕ್ವೆಲ್ ಮಾಡುವುದಾಗಿ ಹೇಳಿಕೆ ನೀಡಿದ್ದರು.