'ಧೂಮ್' ಆಕ್ಷನ್ ಸರಣಿಯಲ್ಲಿ ಮೂಡಿ ಬರುತ್ತಿರುವ ನಾಲ್ಕನೇ ಸಿನೆಮಾದಲ್ಲಿ, ನಟ ಪ್ರಭಾಸ್ ಅ ಜೊತೆಗೆ ನಟಿಸಲಿದ್ದಾರೆ ಎಂಬ ವದಂತಿಯನ್ನು ಸೂಪರ್ ಸ್ಟಾರ್ ಹೃತಿಕ್ ರೋಶನ್ ತಳ್ಳಿಹಾಕಿದ್ದಾರೆ.
ಯಶ್ ರಾಜ್ ಫಿಲ್ಮ್ಸ್ ನಿರ್ಮಾಣ ಸಂಸ್ಥೆಯ 'ಧೂಮ್-೪'ರಲ್ಲಿ ಬಾಹುಬಲಿ ನಾಯಕ ನಟ ಪ್ರಭಾಸ್ ಮತ್ತು 42 ವರ್ಷ ಹೃತಿಕ ಮುಖ್ಯ ಖಳನಾಯಕರಾಗಲಿದ್ದಾರೆ ಎಂಬ ವದಂತಿ ಹರಡಿತ್ತು.
"ನಾನು ಸದ್ಯಕ್ಕೆ ೨ ಚಿತ್ರಗಳಲ್ಲಷ್ಟೇ ನಟಿಸುತ್ತಿರುವುದು. 'ಕಾಬಿಲ್' ಮತ್ತು 'ವಿಕ್ಟರ್'! ಅಷ್ಟೇ" ಎಂದು ತಮ್ಮ ಅಭಿಮಾನಿಗಳೊಂದಿಗೆ ಮಾತುಕತೆ ನಡೆಸುವಾಗ ತಿಳಿಸಿದ್ದಾರೆ.
ಸಂಜಯ್ ಗುಪ್ತಾ ನಿರ್ದೇಶನದ 'ಕಾಬಿಲ್' ಸಿನೆಮಾದಲ್ಲಿ ಹೃತಿಕ್ ಎದುರು ಯಾಮಿನಿ ಗೌತಮ್ ನಟಿಸುತ್ತಿದ್ದು, ಈ ತಿಂಗಳ ಅಂತ್ಯಕ್ಕೆ ಚಿತ್ರೀಕರಣ ಸಂಪೂರ್ಣಗೊಳ್ಳಲಿದೆ ಎಂದು ತಿಳಿದುಬಂದಿದೆ. ಇದು ಮುಂದಿನ ವರ್ಷ ಜನವರಿ ೨೬ಕ್ಕೆ ಬಿಡುಗಡೆಯಾಗಲಿದೆ.
ಯಶ್ ರಾಜ್ ಫಿಲ್ಮ್ಸ್ ನಡಿ, ಹೃತಿಕ್ ಮತ್ತೊಂದು ಸಿನೆಮಾ ಒಪ್ಪಿಕೊಂಡಿದ್ದಾರೆ. 'ಧೂಮ್' ಚಿತ್ರಕ್ಕೆ ಸಂಭಾಷಣೆ ಬರೆದಿದ್ದ ವಿಜಯ್ ಕೃಷ್ಣ ಆಚಾರ್ಯ ಈ ಸಿನೆಮಾದ ನಿರ್ದೇಶಕ.
ಈ ವರ್ಷ 'ಬ್ಯಾಂಗ್ ಬ್ಯಾಂಗ್' ನಟ ಅಶುತೋಶ್ ಗೌರೀಕರ್ ಅವರ ಐತಿಹಾಸಿಕ ಸಿನೆಮಾ 'ಮೊಹೆಂಜೋ ದಾರೋ'ದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
Advertisement