ಆದಿತ್ಯ ಪಾಂಚೋಲಿ ಮುಂಬೈನ ಜುಹುನಲ್ಲಿರುವ ಪಂಚತಾರಾ ಹೊಟೇಲ್ವೊಂದರಲ್ಲಿ ನಡೆದ ನೈಟ್ಕ್ಲಬ್ ಪಾರ್ಟಿಯ ವೇಳೆ ಬೌನ್ಸರ್ವೊಬ್ಬರ ಮೇಲೆ ಹಲ್ಲೆ ಮಾಡಿದ ಪ್ರಕರಣದ ಸುದೀರ್ಘ ವಿಚಾರಣೆ ನಡೆಸಿದ ಕೋರ್ಟ್ ಶನಿವಾರ ತೀರ್ಪು ಪ್ರಕಟಿಸಿದ್ದು, ಅಪರಾಧಿಗೆ ಒಂದು ವರ್ಷ ಜೈಲು ಶಿಕ್ಷೆ ಹಾಗೂ 20 ಸಾವಿರ ರುಪಾಯಿ ದಂಡ ವಿಧಿಸಿದೆ. ಅಲ್ಲದೆ ಈ ತೀರ್ಪು ಜಾರಿಗೊಳಿಸಲು ಒಂದು ತಿಂಗಳ ಕಾಲವಕಾಶ ನೀಡಿದ್ದು, ಬಾಲಿವುಡ್ ನಟನಿಗೆ ಮೇಲ್ಮನವಿ ಸಲ್ಲಿಸಲು ಅವಕಾಶ ನೀಡಿದೆ.
