ಮುಂಬೈ: ಕೇಂದ್ರ ನೋಟು ಹಿಂಪಡೆತ ನಿರ್ಧಾರ ಸಾಮಾನ್ಯ ಜರನ್ನು ಮತ್ತು ತಾರೆಗಳನ್ನು ಒಂದೇ ಸಾಲಿನಲ್ಲಿ ನಿಂತುಕೊಳ್ಳುವಂತೆ ಮಾಡಲು ಕೆಲವೆಡೆಯಾದರು ಸಫಲವಾಗಿದೆ. ಇಂತಹ ಉದಾಹರಣೆಯೊಂದರಲ್ಲಿ ಬಾಲಿವುಡ್ ನಟ ಅನಿಲ್ ಕಪೂರ್, ಎಟಿಎಂ ಸರತಿ ಸಾಲಿನಲ್ಲಿ ನಿಂತು ಅಭಿಮಾನಿಗಳೊಂದಿಗೆ ಸೆಲ್ಫಿ ತೆಗೆಸಿಕೊಂಡಿದ್ದಾರೆ.
ಕಪ್ಪು ಹಣ ನಿಯಂತ್ರಣ ಮತ್ತು ನಕಲಿ ನೋಟುಗಳನ್ನು ವ್ಯವಸ್ಥೆಯಿಂದ ಹೊರಹಾಕುವ ಕಾರಣ ನೀಡಿ, ಪ್ರಧಾನಿ ನರೇಂದ್ರ ಮೋದಿ ೫೦೦ ಮತ್ತು ೧೦೦೦ ರೂ ನೋಟುಗಳನ್ನು ಹಿಂದಕ್ಕೆ ಪಡೆದಿದ್ದರು.
ಗುರುವಾರ ಟ್ವಿಟ್ಟರ್ ಮೊರೆ ಹೋಗಿರುವ ಅನಿಲ್ ಕಪೂರ್ ಇಬ್ಬರು ಯುವತಿಯರ ಜೊತೆಗೆ ಎಟಿಎಂ ಎದುರು ತೆಗೆದುಕೊಂಡಿರುವ ಫೋಟೋ ಟ್ವೀಟ್ ಮಾಡಿದ್ದಾರೆ.
