ಡಿಪ್ಪಿ ಮೇಲೆ ರಣ್ವೀರ್ ಮುನಿಸು? ಬಾಲಿವುಡ್ ಜನಪ್ರಿಯ ಜೋಡಿ ಲವ್ ಬ್ರೇಕ್ ಅಪ್?

ಮುಂಬಯಿ: ಬಾಲಿವುಡ್​ನ ಜನಪ್ರಿಯ ಜೋಡಿ ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ಲವ್ ಬ್ರೇಕ್ ಅಪ್ ಆಗಿದೆ ಎಂಬ ಗುಸುಗುಸು ಎಲ್ಲೆಡೆ ಹರಿದಾಡುತ್ತಿದೆ.

ದೀಪಿಕಾ ಪಡುಕೋಣೆ ಅವರ ಬಹುತೇಕ ಎಲ್ಲ ನಿರ್ಧಾರಗಳಿಗೂ ರಣವೀರ್ ಬೆಂಬಲವಾಗಿ ನಿಲ್ಲುತ್ತಿದ್ದರು. ಜತೆಗೆ ಅವರ ಹಾಲಿವುಡ್ ಪ್ರವೇಶ, ಸಾಧನೆ ಇತ್ಯಾದಿ ಬಗ್ಗೆ ರಣವೀರ್ ಆಗಾಗ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡುತ್ತಿದ್ದರು.

ಆದರೆ ಈಗ ಅವರಿಬ್ಬರ ಮಧ್ಯೆ ಎಲ್ಲವೂ ಸರಿ ಇಲ್ಲ ಎಂಬ ಸುದ್ದಿ ಹರಡಿದೆ. ಕಳೆದ ವಾರವಷ್ಟೇ ರಣವೀರ್ ಅಭಿನಯದ ನೂತನ ಚಿತ್ರ ‘ಬೇಫಿಕ್ರೆ’ ಚಿತ್ರದ ಟ್ರೇಲರ್ ಬಿಡುಗಡೆ ಆಗಿದೆ. ಆದರೆ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ದೀಪಿಕಾ ಹಂಚಿಕೊಂಡಿಲ್ಲ. ಇಬ್ಬರ ಸಾಮಾಜಿಕ ಜಾಲತಾಣದಲ್ಲಿ ಪರಸ್ಪರರ ಬಗ್ಗೆ ಮೊದಲು ಶೇರ್ ಆಗುತ್ತಿದ್ದಂತೆ ವಿಷಯಗಳು ಪೋಸ್ಟ್ ಆಗದಿರುವುದು, ವಿರಸದ ಸುದ್ದಿಗೆ ಮತ್ತಷ್ಟು ಪುಷ್ಟಿ ನೀಡುತ್ತಿದೆ.

ಈ ಹಿಂದೆಯೂ ಇದೇ ರೀತಿ ಸುದ್ದಿ ಹರಡಿದ್ದಾಗ ಇಬ್ಬರೂ ಜೊತೆಗೆ ಪ್ರಶಸ್ತಿ ಪ್ರಧಾನ ಸಮಾರಂಭಕ್ಕೆ ಹಾಜರಾಗಿ ಅಂತೆ-ಕಂತೆಗಳಿಗೆ ತೆರೆ ಎಳೆದಿದ್ದರು. ಈ ಬಾರಿಯೂ ಹಾಗೇ ಆಗಬಹುದಾ ಎಂಬ ನಿರೀಕ್ಷೆಯಲ್ಲಿದ್ದಾರೆ ಅಭಿಮಾನಿಗಳು.