ಮುಂಬೈ: ಬಾಲಿವುಡ್ ಹಿರಿಯ ನಟ ವಿನೋದ್ ಖನ್ನಾ ನಿಧನ ಹಿನ್ನೆಲೆ ಮುಂಬೈನಲ್ಲಿ ಆಯೋಜಿಸಲಾಗಿದ್ದ ಬಾಹುಬಲಿ-2 ಪ್ರಿಮಿಯರ್ ಶೋ ಅನ್ನು ಚಿತ್ರತಂಡ ರದ್ದುಪಡಿಸಿದೆ.
ಬಾಲಿವುಡ್ ದಿಗ್ಗಜರಿಗಾಗಿ ಬಾಹುಬಲಿ-2 ಪ್ರಿಮಿಯರ್ ಶೋ ಅನ್ನು ಚಿತ್ರ ತಂಡ ಆಯೋಜಿಸಿತ್ತು. ಆದರೆ ಅನಾರೋಗ್ಯದಿಂದ ಬಳಲುತ್ತಿದ್ದ ವಿನೋದ್ ಖನ್ನಾ ಅವರು ಇಂದು ವಿಧಿವಶರಾದ ಹಿನ್ನೆಲೆ ಅವರಿಗೆ ಗೌರವ ಸಲ್ಲಿಸುವ ಸಲುವಾಗಿ ಪ್ರಿಮಿಯರ್ ಶೋ ಅನ್ನು ರದ್ದುಪಡಿಸಿರುವುದಾಗಿ ಚಿತ್ರ ತಂಡ ಹೇಳಿಕೊಂಡಿದೆ.
ಬಾಹುಬಲಿ 2 ಹಿಂದಿ ಆವೃತಿಯ ಚಿತ್ರವನ್ನು ಬಾಲಿವುಡ್ ನಿರ್ದೇಶಕ, ನಿರ್ಮಾಪಕ ಕರಣ್ ಜೋಹಾರ್ ವಿತರಣೆ ಮಾಡುತ್ತಿದ್ದು ಬಾಲಿವುಡ್ ದಿಗ್ಗಜರಿಗಾಗಿ ಮುಂಬೈನಲ್ಲಿ ಪ್ರಿಮಿಯರ್ ಶೋ ಅನ್ನು ಆಯೋಜಿಸಿದ್ದರು.
ಬಾಲಿವುಡ್ ಹಿರಿಯ ನಟ ವಿನೋದ್ ಖನ್ನಾ ನಿಧನ ಹಿನ್ನೆಲೆ ಅವರಿಗೆ ಗೌರವ ಸಲ್ಲಿಸುವ ಸಲುವಾಗಿ ಬಾಹುಬಲಿ 2 ಪ್ರಿಮಿಯರ್ ಶೋ ಅನ್ನು ರದ್ದುಗೊಳಿಸಲಾಗಿದೆ ಎಂದು ಕರಣ್ ಜೋಹಾರ್ ಟ್ವೀಟರ್ ನಲ್ಲಿ ಬರೆದುಕೊಂಡಿದ್ದಾರೆ.
As a mark of respect to our beloved Vinod Khanna the entire team of Baahubali has decided to cancel the premiere tonight...
