ಮುಂಬೈ: ಬಾಲಿವುಡ್ ನಟ ಸಂಜಯ್ ದತ್ ಅವರ ಜೀವನಾಧಾರಿತ ಸಂಜೂ ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಧೂಳೆಬ್ಬಿಸಿದೆ.
ನಟ ರಣಬೀರ್ ಕಪೂರ್ ಸಂಜತ್ ದತ್ ಅವರ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು ನಿನ್ನೆ ಬಿಡುಗಡೆಯಾದ ಸಂಜೂ ಚಿತ್ರ ಮೊದಲ ದಿನವೇ 34.75 ಕೋಟಿ ಕಲೆಕ್ಷನ್ ಮಾಡಿದ್ದು ಆ ಮೂಲಕ ಸಲ್ಮಾನ್ ಖಾನ್ ಅಭಿನಯದ ರೇಸ್ 3 ಹಾಗೂ ದೀಪಿಕಾ ಪಡುಕೋಣೆ ಅಭಿನಯದ ಪದ್ಮಾವತ್ ಚಿತ್ರದ ದಾಖಲೆಗಳನ್ನು ಊಡೀಸ್ ಮಾಡಿದೆ.
ಯಾವುದೇ ರಜೆ ಇಲ್ಲದ, ಹಬ್ಬವಿಲ್ಲದ ದಿನ ಬಿಡುಗಡೆಯಾದರೂ ಸಂಜೂ ಚಿತ್ರ ಮಾತ್ರ ಬಾಲಿವುಡ್ ನ ಬಾಕ್ಸ್ ಆಫೀಸ್ ನಲ್ಲಿ ಧೂಳೆಬಿಸಿದ್ದು ಇದೇ ವೇಗ ಮುಂದುವರೆದರೆ ಮೊದಲ ವೀಕೆಂಡ್ ನಲ್ಲಿ 100 ಕೋಟಿ ಗಡಿ ದಾಟುವುದರಲ್ಲಿ ಯಾವುದೇ ಸಂಶಯವಿಲ್ಲ.
ಪದ್ಮಾವತ್ ಚಿತ್ರ ಮೊದಲ ದಿನ 17.75 ಕೋಟಿ ಹಾಗೂ ರೇಸ್ 3 ಚಿತ್ರ 27.50 ಕೋಟಿ ರುಪಾಯಿ ಗಳಿಸಿತ್ತು. ಈ ವರ್ಷ ತೆರೆ ಕಂಡ ಚಿತ್ರಗಳ ಪೈಕಿ ಸಂಜೂ ಚಿತ್ರ ಮೊದಲ ದಿನದ ಕಲೆಕ್ಷನ್ ನಲ್ಲಿ ಮುಂದಿದೆ.
