ತನುಶ್ರೀ ವಿರುದ್ಧ 25 ಪೈಸೆ ಮಾನಹಾನಿ ಮೊಕದ್ದಮೆ ದಾಖಲಿಸಿದ ರಾಖಿ ಸಾವಂತ್ !

ತನುಶ್ರೀ ದತ್ತಾ  ತಮ್ಮ ವಿರುದ್ಧ ಅವಹೇಳನಕಾರಿ ಹೇಳಿಕೆ ನೀಡುವ ಮೂಲಕ ತಮ್ಮ  ಮಾನಹಾನಿಗೊಳಿಸಿದ್ದಾರೆ ಎಂದು ದೂರಿನಲ್ಲಿ  ರಾಖಿ ಸಾವಂತ್  ಉಲ್ಲೇಖಿಸಿದ್ದಾರೆ.

 ಪ್ರತಿವಾದಿ ತನುಶ್ರೀ ವೃತ್ತಿ ಬದುಕು ಅಸ್ಥಿರವಾಗಿರುವುದರಿಂದ ಹತಾಶೆಗೊಂಡು ಈಗ ಬೆಳಕಿಗೆ ಬಂದಿದ್ದಾರೆ. ತಮ್ಮ ವಿರುದ್ಧ ಇಲ್ಲಸಲ್ಲದ ಹೇಳಿಕೆ ನೀಡುವ ಮೂಲಕ ತಮ್ಮ ಹೆಸರಿಗೆ ಮಸಿ ಬಳಿಯಲಾಗಿದೆ ಎಂದು ದೂರಿನಲ್ಲಿ ಸಾವಂತ್ ಆರೋಪಿಸಿದ್ದಾರೆ.

ತಮ್ಮ ವಿರುದ್ಧದ ಅವಹೇಳನಕಾರಿ ಹೇಳಿಕೆ ನೀಡಿದ್ದಕ್ಕೆ  25 ಪೈಸೆ ಕೊಡಿಸುವಂತೆ  ಹಾಗೂ ವಿದ್ಯುನ್ಮಾನ, ಮುದ್ರಣ ಹಾಗೂ ಸಾಮಾಜಿಕ ಮಾಧ್ಯಮಗಳಲ್ಲಿ  ಬೇಷರತ್ ಕ್ಷಮೆಯಾಚಿಸುವಂತೆ ನ್ಯಾಯಾಲಯ ತನುಶ್ರೀ ದತ್ತಾಳಿಗೆ  ಸೂಚಿಸಬೇಕೆಂದು ರಾಖಿ ಸಾವಂತ್  ಮನವಿ ಮಾಡಿಕೊಂಡಿದ್ದಾರೆ.