ರಸ್ತೆ ಅಪಘಾತ: ಬಾಲಿವುಡ್ ಖ್ಯಾತ ಗಾಯಕ ನಿತಿನ್ ಬಾಲಿ ನಿಧನ

ಬಾಲಿವುಡ್ ನ ಖ್ಯಾತ ಗಾಯಕ ನಿತಿನ್ ಬಲಿ ಅ.09 ರಂದು ರಸ್ತೆ ಅಪಘಾತದಲ್ಲಿ ಮೃತಪಟ್ಟಿದ್ದಾರೆ. 

ಸ್ಪಾಟ್ಬೋಯ್ ವರದಿಯ ಪ್ರಕಾರ ಮಲಾಡ್ ನಿಂದ ಬೋರಿವಲಿಗೆ ತೆರಳುತ್ತಿದ್ದಾಗ ಕಾರು ರಸ್ತೆ ವಿಭಜಕಕ್ಕೆ ಡಿಕ್ಕಿ ಹೊಡೆದ ಪರಿಣಾಮ ನಿತಿನ್ ಬಾಲಿ ತೀವ್ರವಾಗಿ ಗಾಯಗೊಂಡಿದ್ದರು. ಅವರನ್ನು ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಲಾಗಿತ್ತು, ಮುಖದ ಮೇಲೆ ಉಂಟಾಗಿದ್ದ ಗಾಯಗಳಿಗೆ ಹೊಲಿಗೆ ಹಾಕಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಮಾಡಲಾಗಿತ್ತು. ಆದರೆ ಮಲಾಡ್ ಗೆ ತೆರಳುತ್ತಿದ್ದಂತೆಯೇ ರಕ್ತ ವಾಂತಿಯಾಗಿದ್ದು ನಿತಿನ್ ಬಾಲಿ ಮೃತಪಟ್ಟಿದ್ದಾರೆ ಎಂದು ತಿಳಿದುಬಂದಿದೆ.  

"ನೀಲೆ ನೀಲೆ ಅಂಬರ್ ಪರ್, "ಚುಕರ್ ಮೇರೆ ಮ್ಯಾನ್ ಕೊ, "ಏಕ್ ಅಜನ್ಬೀ ಹಸೀನಾ ಸೆ" ಮತ್ತು "ಪಲ್ ಪಲ್ ದಿಲ್ ಕೆ ಪಾಸ್" ನಂತಹ ಹಾಡುಗಳ ನಂತಹ ರೀಮಿಕ್ಸ್ ಹಾಡುಗಳನ್ನು ಹಾಡಿದ್ದ ನೀತಿನ್ 1998 ರಲ್ಲಿ ಅವರ ಮೊದಲ ಆಲ್ಬಮ್ ನಾ ಜಾನೆ ಸಾಕಷ್ಟು ಹೆಸರನ್ನು ಗಳಿಸಿತ್ತು.  ನೀತಿನ್ ಬಾಲಿ ಕಿರುತೆರೆ ನಟಿ ರೋಮಾ ಬಾಲಿಯನ್ನು ವಿವಾಹವಾಗಿದ್ದರು. ಮೃತ ಗಾಯಕನ ಅಂತ್ಯಕ್ರಿಯೆ ಅ.10 ರಂದು ನಡೆಯಲಿದೆ ಎಂದು ತಿಳಿದುಬಂದಿದೆ.