ಮುಂಬೈ: ಮಹಾನಗರಿ ಮುಂಬೈಯಲ್ಲಿ ತಾವು ವಾಸಿಸುತ್ತಿರುವ ಕಟ್ಟಡ ಶರದ್ ಪವಾರ್ ಅವರಿಗೆ ಸೇರಿದ್ದು ಎಂದು ಬಾಲಿವುಡ್ ನಟಿ ಕಂಗನಾ ರಾನಾವತ್ ಹೇಳುತ್ತಿದ್ದಂತೆ ಅವರು ಎನ್ ಸಿಪಿ ಮುಖ್ಯಸ್ಥ ಶರದ್ ಪವಾರ್ ಅವರ ಬಗ್ಗೆ ಹೇಳುತ್ತಿದ್ದಾರೆ ಎಂದು ಕೆಲವು ಮಾಧ್ಯಮಗಳಲ್ಲಿ, ಸೋಷಿಯಲ್ ಮೀಡಿಯಾದಲ್ಲಿ ಸುದ್ದಿಯಾಯಿತು.
ಆದರೆ ಎನ್ ಸಿಪಿ ಮುಖ್ಯಸ್ಥ ಶರದ್ ಪವಾರ್, ಕಂಗನಾ ರಾನಾವತ್ ಹೇಳುವುದರಲ್ಲಿ ಯಾವುದೇ ಸತ್ಯಾಂಶವಿಲ್ಲ ಎಂದಿದ್ದಾರೆ. ಮುಂಬೈಯನ್ನು ಪಾಕ್ ಆಕ್ರಮಿತ ಕಾಶ್ಮೀರಕ್ಕೆ ಹೋಲಿಸಿದ ನಂತರ ರಾನಾವತ್ ಮೇಲೆ ವ್ಯಾಪಕ ಟೀಕೆ ವ್ಯಕ್ತವಾಗಿ ಮುಂಬೈಗೆ ಕಾಲಿಡಬೇಡಿ ಎಂದು ಶಿವಸೇನಾ ನಾಯಕರು ಬೆದರಿಕೆ ಹಾಕಿ, ಅವರ ಮುಂಬೈಯ ಕಚೇರಿ ಕಟ್ಟಡವನ್ನು ಮಹಾನಗರ ಪಾಲಿಕೆ ಧ್ವಂಸಗೊಳಿಸಿ ವಿವಾದ ಇನ್ನಷ್ಟು ಭುಗಿಲೆದ್ದಿದೆ.
ಮೊನ್ನೆ ಬುಧವಾರ ಕಂಗನಾ ಟ್ವೀಟ್ ವೊಂದನ್ನು ಮಾಡಿ, ಈ ಕಟ್ಟಡದ ನಿರ್ಮಾಪಕರು ಈ ಬಗ್ಗೆ ಸ್ಪಷ್ಟಪಡಿಸಬೇಕು, ಈ ಕಟ್ಟಡವನ್ನು ನಾವು ಶರದ್ ಪವಾರ್ ಅವರ ಸಹವರ್ತಿಯ ಬಳಿಯಿಂದ ನಾವು ಖರೀದಿಸಿದ್ದು ಹೀಗಾಗಿ ಅವರು ಉತ್ತರ ಕೊಡಬೇಕು ಎಂದಿದ್ದರು.
ಈ ಬಗ್ಗೆ ಮಾಧ್ಯಮದವರು ಶರದ್ ಪವಾರ್ ಅವರನ್ನು ಕೇಳಿದಾಗ, ಕಟ್ಟಡ ನನಗೆ ಸೇರಿದ್ದು ಎಂದು ಹೇಳಿದರೆ ಖುಷಿಯಾಯಿತು ಎಂದು ವ್ಯಂಗ್ಯವಾಗಿ ನುಡಿದರು.ಜವಾಬ್ದಾರಿಯುತವಾಗಿ ಯಾರು ಮಾತನಾಡಬೇಕು ಎಂಬ ಪ್ರಶ್ನೆ ಉದ್ಭವವಾಗುತ್ತದೆ, ಕಟ್ಟಡ ನನಗೆ ಸೇರಿದ್ದಲ್ಲ ಎಂದಿದ್ದಾರೆ.
