ಸಚಿನ್ ಪುತ್ರಿ ಸಾರಾ ಬಾಲಿವುಡ್ ಗೆ ಎಂಟ್ರಿ?

ಕ್ರಿಕೆಟ್ ದಂತಕಥೆ ಸಚಿನ್ ತೆಂಡೂಲ್ಕರ್ ಅವರ ಮುದ್ದಿನ ಮಗಳು ಸಾರಾ ತೆಂಡೂಲ್ಕರ್ ಇದೀಗ ಬಾಲಿವುಡ್ ಪ್ರವೇಶಿಸುವ ಸಾಧ್ಯತೆ ಇದೆ.

ನಟ ಶಾಹಿದ್ ಕಪೂರ್ ಜತೆ 18ರ ಹರೆಯದ ಮುದ್ದು ಮುಖದ ಸಾರಾ ಸ್ಕ್ರೀನ್ ಶೇರ್ ಮಾಡಲಿದ್ದು ಈ ಮೂಲಕ ಹಿಂದಿ ಸಿನಿಮಾರಂಗಕ್ಕೆ ಪ್ರವೇಶಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ.

ಸಾರಾ ಆಗಾಗ ತಂದೆ ತಾಯಿ ಜತೆ ಬಾಲಿವುಡ್​ ಕಾರ್ಯಕ್ರಮಗಳಲ್ಲಿ ಕಾಣಿಸಿಕೊಳ್ಳುತ್ತಿರುತ್ತಾರೆ. ಸಾರಾ ಬಣ್ಣದ ಲೋಕಕ್ಕೆ ಎಂಟ್ರಿ ಕೊಡುವ ಬಗ್ಗೆ  ಹಲವಾರು ತಿಂಗಳುಗಳಿಂದ ಊಹಾಪೋಹಗಳು ಅಬ್ಬಿದ್ದವು. ಇದೀಗ ಶಾಹಿದ್  ಕಪೂರ್ ಗೆ ಜೋಡಿಯಾಗಿ ನಟಿಸಲಿದ್ದಾರೆ ಎನ್ನಲಾಗಿದೆ. ಆದರೆ ಸಚಿನ್​ ಕುಟುಂಬದಿಂದ ಅಧಿಕೃತವಾಗಿ ಮಾತ್ರ ಯಾವುದೇ ಮಾಹಿತಿ ಇಲ್ಲ.