ಚೆನ್ನೈ: 'ಆವರಣ್' ಮತ್ತು 'ಪರದೇಶಿ' ಸಿನೆಮಾಗಳ ನಟನೆಗೆ ಹೆಚ್ಚು ಜನಪ್ರಿಯವಾದ ನಟಿ ಧಾನ್ಸಿಕಾ ಅವರು ಇನ್ನೂ ಹೆಸರಿಡದ ಸೂಪರ್ ಸ್ಟಾರ್ ರಜನಿಕಾಂತ್ ಅವರ ೧೫೯ನೆ ಸಿನೆಮಾದಲ್ಲಿ ಮಗಳ ಪಾತ್ರ ನಿರ್ವಹಿಸಲಿದ್ದಾರೆ.
"ಈ ಯೋಜನೆಗೆ ರಜನಿಕಾಂತ್ ಇತ್ತೀಚಿಗೆ ಸಹಿ ಮಾಡಿದ್ದಾರೆ. ಅವರು ರಜನಿಕಾಂತ ಅವರ ಮಗಳ ಪಾತ್ರ ನಿರ್ವಹಿಸಲಿದ್ದು, ರಾಧಿಕಾ ಆಪ್ಟೆ ಅವರ ಪತ್ನಿಯ ಪತ್ರ ನಿರ್ವಹಿಸಲಿದ್ದಾರೆ" ಎಂದು ಮೂಲಗಳಿಂದ ತಿಳಿದುಬಂದಿದೆ.
ಪ ರಂಜಿತ್ ನಿರ್ದೇಶಿಸಲಿರುವ ಈ ಸಿನೆಮಾ ಮಲೇಶಿಯಾದಲ್ಲಿ ಸೆಪ್ಟಂಬರ್ ನಲ್ಲಿ ಪ್ರಾರಂಭವಾಗಲಿದೆ.
"ಆಗಸ್ಟ್ ನಲ್ಲೇ ಚಿತ್ರೀಕರಣ ಪ್ರಾರಂಭವಾಗಬೇಕಿತ್ತು. ಆದರೆ ಕೆಲವು ಸದಸ್ಯರ ವೀಸಾ ತೊಂದರೆಗಳಿಂದ ಇದನ್ನು ಮುಂದೂಡಲಾಗಿದೆ" ಎಂದು ಮೂಲಗಳು ತಿಳಿಸಿವೆ.
ಈ ಸಿನೆಮಾದಲ್ಲಿ ರಜನಿಕಾಂತ್ ಗ್ಯಾಂಗ್ಸ್ಟರ್ ಪಾತ್ರ ನಿರ್ವಹಿಸುತ್ತಿದ್ದು, ಸಂತೋಶ್ ನಾರಾಯಣನ್ ಅವರ ಸಂಗೀತ ಒದಗಿಸಲಿದ್ದಾರೆ.
Advertisement