ಕಾಮಿಕ್ ಪುಸ್ತಕದ ಅವತಾರದಲ್ಲಿ ಮೂಡಲಿರುವ 'ಅವತಾರ್'

ನ್ಯೂಯಾರ್ಕ್: ನಿರ್ದೇಶಕ ಜೇಮ್ಸ್ ಕ್ಯಾಮರಾನ್ ಮತ್ತು ತಂಡ ತಮ್ಮ 'ಅವತಾರ್' ಸಿನೆಮಾದ ಕಾಮಿಕ್ ಪುಸ್ತಕ ಅವತಾರವನ್ನು ಹೊರತರುವುದಾಗಿ ಘೋಷಿಸಿದ್ದಾರೆ.

ನ್ಯೂಯಾರ್ಕ್ ಕಾಮಿಕ್ ಕಾನ್ ಕಾರ್ಯಕ್ರಮದಲ್ಲಿ ಕ್ಯಾಮರಾನ್ ಮತ್ತು ಡಾರ್ಕ್ ಹೌಸ್ ಕಾಮಿಕ್ಸ್ 'ಅವತಾರ್' ಸಿನೆಮಾ ಆಧಾರಿಕ ಕಾಮಿಕ್ ಪುಸ್ತಕಗಳನ್ನು ಹೊರತರುವುದಾಗಿ ಹೇಳಿದೆ.

ನಿರ್ದೇಶಕ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಸಧ್ಯವಾಗದೆ ಹೋದದ್ದರಿಂದ, ವಿಶೇಷ ವಿಡಿಯೋ ಮೂಲಕ ಈ ಘೋಷಣೆ ಮಾಡಿದ್ದಾರೆ.

"ಅವತಾರ್ ಸಿನೆಮಾದ ಎರಡನೇ ಭಾಗದ ಬಿಡುಗಡೆಗೂ ಮುಂಚಿತವಾಗಿಯೇ, ಡಾರ್ಕ್ ಹೌಸ್ ಕಾಮಿಕ್ಸ್ ಪುಸ್ತಕಗಳನ್ನು ಹೊರತರಲಿದೆ" ಎಂದು ಕ್ಯಾಮರಾನ್ ಹೇಳಿದ್ದರೆ.

'ಅವತಾರ್-೨' ೨೦೧೭ ರಲ್ಲಿ ಬಿಡುಗಡೆಯಾಗಲಿದೆ.