ಹೊಸಬಳಿಗೆ ಇಷ್ಟು ದೊಡ್ಡ ಸಿನೆಮಾ ಸಿಕ್ಕಿರಿವುದು ಅದೃಷ್ಟ ಎನ್ನುವ ಸಂಯುಕ್ತ "ಚಿತ್ರರಂಗಕ್ಕೆ ಬರುತ್ತೇನೆ ಎಂದು ನಾನು ಊಹಿಸಿರಲಿಲ್ಲ. ನನ್ನ ನೃತ್ಯ ವೃತ್ತಿ ಜೀವನದ ಬಗ್ಗೆ ನಾನು ಗಮನ ಹರಿಸಿದ್ದೆ. ಆದುದರಿಂದ ಈ ಸಿನೆಮಾದಲ್ಲಿ ನಟಿಸಲು ಅವಕಾಶ ಬಂದಾಗ, ನಾನು ನಟಿಸುತ್ತಿದ್ದೇನೆ ಎಂದು ನಂಬಲಿಕ್ಕೇ ಸಾಧ್ಯವಾಗಲಿಲ್ಲ. ಅದು ಏಕೆಂದರೆ ನಾನು ಸಾಮಾನ್ಯವಾಗಿ ಪಕ್ಕದ ಮನೆಯ ಹುಡುಗಿಯ ನೋಟ ಹೊಂದಿರುವವಳು. ನಾನು ಮಾಡೆಲಿಂಗ್ ಲೋಕದಲ್ಲೂ ಇಲ್ಲ, ಅಥವಾ ನನ್ನ ಫೋಟೋ ಕ್ಲಿಕ್ಕಿಸಿಕೊಳ್ಳುವ ಹುಚ್ಚು ನನಗಿಲ್ಲ. ನಾನು ಆಯ್ಕೆಯಾದಾಗ ನನಗೆ ನಿಜಕ್ಕೂ ಅತೀವ ಅಚ್ಚರಿಯಾಗಿತ್ತು. ತಂಡ ನನ್ನಲ್ಲಿ ಭರವಸೆ ತುಂಬಿ, ಈಗ ನಟಿಸುವಂತೆ ಮಾಡಿದೆ" ಎನ್ನುತ್ತಾರೆ. ಈ ಸಿನೆಮಾ ಬಗ್ಗೆ ಹೆಚ್ಚು ಕುತೂಹಲ ಇರುವುದರಿಂದ ಒಂದು ರೀತಿಯ ಭಯವು ಇದೆ ಎಂದು ಒಪ್ಪಿಕೊಳ್ಳುತ್ತಾರೆ ನಟಿ.
