ತೆಲುಗು ಚಿತ್ರದ ರೀಮೇಕ್ ನಲ್ಲಿ ಅತಿಥಿ ಪಾತ್ರ ನಿರ್ವಹಿಸಲಿರುವ ನಟ ಮಹತ್ ರಾಘವೇಂದ್ರ

ಚೆನ್ನೈ: ಕಾಲಿವುಡ್ ನಟ ಮಹತ್ ರಾಘವೇಂದ್ರ ತೆಲುಗಿನ ರೀಮೇಕ್ ಚಿತ್ರವೊಂದರಲ್ಲಿ ಅತಿಥಿ ಪಾತ್ರ ನಿರ್ವಹಿಸಲಿದ್ದಾರೆ.
ತೆಲುಗಿನ ನೇರಂ ಚಿತ್ರ ರೀಮೇಕ್ ಆಗುತ್ತಿದ್ದು, ಈ  ಚಿತ್ರದಲ್ಲಿ ಸಂದೀಪ್ ಕೃಷ್ಣ ರಿಮೇಕ್ ಮುಖ್ಯ ಪಾತ್ರದಲ್ಲಿ ನಟನೆ ಮಾಡುತ್ತಿದ್ದಾರೆ. ಸಂದೀಪ್ ಹಾಗು ನಾನು ಹಲವು ವರ್ಷಗಳಿಂದ ಸ್ನೇಹಿತರು, ಅವರೊಂದಿಗೆ ಕೆಲಸ ಮಾಡಲು ಉತ್ಸುಕನಾಗಿದ್ದೇನೆ ಎಂದು ಮಹತ್ ರಾಘವೇಂದ್ರ ಹೇಳಿದ್ದಾರೆ.
ಈ ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವ ಮಹತ್ ರಾಘವೇಂದ್ರ ಸಂದೀಪ್ ಕೃಷ್ಣ ಮಾತ್ರ ಅಲ್ಲದೇ ಹಲವು ಸ್ನೇಹಿತರೊಂದಿಗೆ ನಟನೆ ಮಾಡುತ್ತಿದ್ದಾರೆ. ಸಂದೀಪ್ ಅವರೊಂದಿಗೆ ಚಿತ್ರದ ನಿರ್ಮಾಪಕ ಅನಿಲ್ ಸಂಕರ, ಖಳನಾಯಕನಾಗಿ ನಟಿಸಲಿರುವ ಬಾಬಿ ಸಿಂಹ ಸಹ ಮಹತ್ ರಾಘವೇಂದ್ರ ಅವರ ಸ್ನೇಹಿತರಾಗಿದ್ದಾರೆ. ಅನಿಲ್ ಕನ್ನೆಗಂಟಿ ಈ ಚಿತ್ರದ ನಿರ್ದೇಶನ ಮಾಡುತ್ತಿದ್ದಾರೆ. ಮಹಾತ್ ಸದ್ಯ ತೆಲುಗು ಚಿತ್ರ 'ಶೀ' ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಮಾರ್ಚ್ ನಿಂದ ರೀಮೇಕ್ ಚಿತ್ರದಲ್ಲಿ ನಟಿಸಲಿದ್ದಾರೆ.