ದಾಂಪತ್ಯಕ್ಕೆ ಕಾಲಿಟ್ಟ ಮಲಯಾಳಂನ ಖ್ಯಾತ ಜೋಡಿ

ಕೊಚ್ಚಿ: ಮಲಯಾಳಂನ ಖ್ಯಾತ ತಾರಾ ಜೋಡಿ ದೀಲಿಪ್ ಮತ್ತು ಕಾವ್ಯ ಮಾಧವನ್ ಅವರು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. 

ಎರ್ನಾಕುಲಂನ ಹೊಟೇಲ್ ವೊಂದರಲ್ಲಿ ಬೆಳಗ್ಗೆ 9.30 ಸುಮಾರಿನಲ್ಲಿ ನಡೆದ ಸರಳ ಸಮಾರಂಭದಲ್ಲಿ ತಾರಾ ಜೋಡಿ ಗಣ್ಯರ ಎದುರು ಮಲಯಾಳಿ ಸಂಪ್ರದಾಯದಂತೆ ಹಾರ ಬದಲಿಸಿಕೊಂಡರು. 

ಖ್ಯಾತ ತಾರಾ ಜೋಡಿಗೆ ಇದು ಎರಡನೇ ವಿವಾಹವಾಗಿದೆ. ದೀಲಿಪ್ ಅವರು ನಟಿ ಮಂಜು ವಾರಿಯರ್ ಅವರೊಂದಿಗೆ ವಿವಾಹವಾಗಿದ್ದು ದಂಪತಿಗೆ ಹೆಣ್ಣು ಮಗು ಜನಿಸಿತ್ತು. ಪ್ರಸ್ತುತ ಅವರ ದಾಂಪತ್ಯದಲ್ಲಿ ಬಿರುಕು ಕಾಣಿಸಿಕೊಂಡು ಇಬ್ಬರು ವಿಚ್ಛೇಧನ ಪಡೆದಿದ್ದರು. ಕಾವ್ಯ ಮಾಧವನ್ ಸಹ ಪತಿಯಿಂದ ವಿಚ್ಛೇಧನ ಪಡೆದಿದ್ದರು.