ಭರತನಾಟ್ಯ ಕಲಾವಿದೆ, ಮರಾಠಿ ನಟಿ ಅಶ್ವಿನಿ ವಿಧಿವಶ

ಮುಂಬೈ: ನೃತ್ಯ ಮಾಡುತ್ತಿದ್ದಾಗಲೇ ವೇದಿಕೆ ಮೇಲೆ ಕುಸಿದು ಬಿದ್ದು ಮರಾಠಿ ನಟಿ ಭರತನಾಟ್ಯ ಕಲಾವಿದೆ ಅಶ್ವಿನಿ ಎಕ್ಬೋಟೆ ಅಸುನೀಗಿದ್ದಾರೆ.

44 ವರ್ಷದ ಅಶ್ವಿನಿ ಅವರು ಪುಣೆಯ ಭರತನಾಟ್ಯ ಮಂದಿರದಲ್ಲಿ ನೃತ್ಯ ಮಾಡುತ್ತಿದ್ದಾಗ ಹಠಾತ್ತನೆ ಕುಸಿದು ಬಿದ್ದರು. ತಕ್ಷಣ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಅವರು ಮೃತಪಟ್ಟಿದ್ದಾರೆ.

ಅಶ್ವಿನಿ ಅವರು ಇದೇ ನಾಟ್ಯ ಮಂದಿರದಲ್ಲಿ ಹಲವು ಬಾರಿ ನೃತ್ಯ ಕಾರ್ಯಕ್ರಮಗಳನ್ನು ನೀಡಿದ್ದರು. ಅಶ್ವಿನಿ ಅವರು ಹೃದಯಾಘಾತದಿಂದ ಕುಸಿದು ಬಿದ್ದು ಮೃತಪಟ್ಟಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.