ಚೆನ್ನೈ: ಕೆಂಪೇಗೌಡ-2 ಚಿತ್ರದ ಸಾಹಸ ದೃಶ್ಯಗಳ ಚಿತ್ರೀಕರಣದ ವೇಳೆ ನಡೆದ ಅಪಘಾತದಲ್ಲಿ ನಟ ಕೋಮಲ್ ಹಾಗೂ ಸಹನಟ ಯೋಗಿ ಗಾಯಗೊಂಡಿದ್ದಾರೆ.
ತಮಿಳುನಾಡಿನ ಮಹಾಬಲಿಪುರಂನಲ್ಲಿ ಚೇಸಿಂಗ್ ದೃಶ್ಯಗಳ ಚಿತ್ರೀಕರಣ ನಡೆಯುತ್ತಿದ್ದು ಈ ವೇಳೆ ಯೋಗಿ ಮತ್ತು ಕೋಮಲ್ ಕುಳಿತಿದ್ದ ಬೈಕ್ ಪಲ್ಟಿ ಹೊಡೆದಿದೆ ಯೋಗಿ ಕೆಳಗೆ ಬಿದ್ದು ಗಾಯಗೊಂಡಿದ್ದರೆ ಕೋಮಲ್ ಗೆ ಸಣ್ಣ ಗಾಯವಾಗಿರುವುದಾಗಿ ಟಿವಿ ಮಾಧ್ಯಮಗಳಲ್ಲಿ ವರದಿ ಮಾಡಿದೆ.
ಇನ್ನು ಗಾಯಗೊಂಡಿರುವ ಇಬ್ಬರನ್ನೂ ಚೆನ್ನೈನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಘಟನೆಯಲ್ಲಿ ಕೋಮಲ್ ಹಾಗೂ ಯೋಗಿಗೆ ಯಾವುದೇ ಗಂಭೀರ ಗಾಯವಾಗಿಲ್ಲ. ಇಬ್ಬರು ನಟರು ಆರೋಗ್ಯವಾಗಿದ್ದಾರೆ. ಅಭಿಮಾನಿಗಳು ಗಾಬರಿಪಡಬೇಕಿಲ್ಲ ಎಂದು ಕೆಂಪೇಗೌಡ 2 ಚಿತ್ರ ತಂಡ ಪ್ರತಿಕ್ರಿಯೆ ನೀಡಿದೆ.
